1. 按政府統計處的數字，香港男人在做家務這件事上面，明顯地比女人承擔得少。在每一個組別的男性當中，做家務少過一半的都佔多數。香港男人係咪要反省一下呢？
2. 男女差別最大的是已婚組別， 34.6% 的已婚男是完全不做家務的，已婚女卻只有 9.4% 。注意把這兩個數和未婚男和未婚女比較，會發現女性的跌幅明顯大得多。即係好多女人一結婚，就會開始做家務；但係好多男人結咗婚，仍然以為做家務是 optional 的。
3. 我有諗過已婚男和已婚女的分別，會否出於已婚男的就業率比已婚女高，已婚男不做家務只是兩公婆在返工和家務上的「分工合作」而已。不過這說法後面有個「雞先定蛋先」的問題（例如勞工市場不鼓勵女性發展事業，又或社會壓力不鼓勵男性留家料理家務），而且家務這種無償工作有弱勢的一面，最起碼冇 benefits ，又冇強積金。
4. 另一個我覺得男同女本身真係有分別的原因，是有家庭傭工這一組。好了，請咗姐姐來幫手，係咪男同女都唔洗做家務呢？男就好明顯係，去到 75% 話做 0% 家務，但係女就只係去到 60.4% 。喂，已經有人幫，都仲要男做得少過女，香港男人係咪真係要檢討下？報告沒有詳細解釋「家務」是指什麼，不過我有看過一些研究，指出就算請了家庭傭工， supervision 的責任仍然會落在女性的身上，無論這位「啊mum」本身想唔想，或得唔得閒。如果 supervision 也算是「家務」的話，也解釋得到這兒的性別差異。
5. 原來有 24.7% 的已婚女是承擔家中 80-100% 的家務的。過節了，大家多謝一下呢位辛苦咗成年的好媽媽／好老婆啦。