見到林鄭的競選口號，當堂嚇一跳，然後得啖笑。「與你同行」呢四隻字，睇落硬係熟好熟面。咦，張超雄上年選立法會的參選宣言，標題咪係「公義路上，與你同行」囉。呢句說話亦係工黨上年選立法會的競選口號，簡寫係「公義同行」，所有宣傳品都搵得到。
競選口號冇注冊，你要用當然阻唔到你，不過要諗下配唔配囉。張超雄份人，無論你同唔同意佢政治立場，大家都知佢點都要幫最弱勢的人，要同佢地一齊抗爭，失票都在所不惜，呢點你冇得唔同意。「同行」呢兩個字，佢可以用。林鄭，你覺得自己真係可以用？
同埋，雖然「同行」，都要講清楚行去邊到先。人地好清楚，係「公義路上」。林鄭，你呢？
--
補充：有網友說提到那個林鄭專頁可能是假的，其實她的競選口號昨天香港01已報道過，連結在這兒