你到底係咪食梗薯片？？（歡迎轉載如果你睇得完而覺得好的話）
長文慎入（香港地過一百字就係長文ok？），仲有如果你玻璃心就唔好睇了。
我唔係咩學者，唔係作家，更唔係KOL，學歷唔高，只係識影相，所以只識9up，今日想9up下d得罪人既野。
見到有人話，支持薯片，呼籲大家捐錢云云，有人話變相公投，有人話呢d就係民意，更有人覺得非建制要檢討自己點解冇人捐錢，所以我覺得，係時候檢討下，點解非建制做咁多野，好多香港人（包括民主陣營同路人＆黃絲）都好似民智未開發咁樣。
薯片其實上任以黎，做過咩好事？？我相信最多人記得就係，派錢，每人6000，單係呢點﹐已經足夠令好x多香港人記得佢，你話佢都cut過好多福利？？有幾多人會睇財政預算案？？？再加埋主流維穩媒體報喜多報憂少，身受其害班人都未必知咩事，但每人派6000就肯定知，所以早就打好左個好形象出黎，不過攪清楚，呢個正正係民智未開既證據之一黎。
其二，呢個情況同台灣變天有些微的類似，我曾經問台灣某政治人物為什麼台灣近年會由綠營掌握支持，其中一個主力原因是，台灣689（馬英九）和國民黨做太爛，其實香港也是同樣，即使有班人盲撐689幫佢宣傳，但民間鋪天蓋地式既鬧689，即使連港豬都唔會認為佢係做得好，此消彼長，其實而家阿豬阿狗出黎話參選都唔會太負面除非你之前做太多衰野。提出唔要689二代既人完全係直線助選，我有懷疑根本係薯片陣營造出黎既言論黎。
咁有人會話，而家4個人選（其實未提名4咩X野je），都係薯片直線跑出好多人支持，先唔講對手問題，佢既對手如林鄭（講明689路線），葉劉（皮草事件同23條事件），胡國興（一般市民根本唔會識la，港豬wor大佬，而且佢太誠實冇公關顯示到自己離地到火星），再加上香港好多人係有個勢係以信奉權威或者跟大隊代替自己思考，之唔係有班人行出黎話支持佢，而呢班人響社會又有d影響力（如森美），咁咪好多豬豬覺得係wor，呢班「成功人士」都支持佢，咁佢肯定係好人la咁樣樣，而部分口講民主真普選但一到選舉就話less evil既政治／社運人，都係一個好大既影響力，因為好多香港人其實唔識分咩黨咩派，只有建制同非建制，連本土派同自決派都未必知係咩既情況下，只要部分非建制話薯片好，即使非建制陣營既豬豬都會放棄思考力直接就聽話一齊支持薯片，其實又係另一個民智未開既證明，就算口講民主，自稱黃絲又如何？如果唔識自己思考，其實同藍屍冇咩分別都係立場先決，不過係立場唔同咁解而已。
同時有班人話，係因為唔想再黎一個689（林鄭），所以要all in薯片，其實都真係好勁，係咪有預知術既呢？一個多年響港共政權做野，講明跟831，冇支持民主運動，教育體育影視文創既資源愈來愈少，點解會覺得佢唔可以係第二個689？或者咁講，梁振英都曾經支持平反64，上任前都唔係叫689的。薯片唯一優勢就只係有個勁既公關令你覺得佢唔似689而已。
至於你話非建制冇人捐錢，其實又唔係，如果非建制加埋接受既捐款應該多過薯片好多，只不過而家分散開而薯片就集中加埋媒體幫助佢先好似感覺良好，同埋一樣野，非建制主要講理念講民主講政制睇長遠野其實係D難明野，再點樣簡單包裝都有極限，而薯片最勁就係，唔講野，我只係做形象工程，等你班人唔駛用腦，咁豬豬咪開心支持LOR，就係咁簡單咁反智但就最有效。
當然一定會有人屌，你都on9我支持薯片有咩問題，係咪得全世界你係智者之類云云，我又唔係話智者，更唔係話支持薯片就係低智，不過如果連政綱都未睇就講支持，已經係超越低智，你直頭係冇運作過個腦，係咪肚餓得濟你自己食左個腦唔記得呢？？賭馬都睇賽果賠率，而家咩料都冇響手你就落注？？唔係冇腦唔通係天真？
再咁攪法，其實雨傘運動既歷史定位只會得返三組關鍵字－野餐會，文藝墟市，警民衝突，完。
公民提名仲有幾多人記得？？我都係諗下一陣食咩好過。
最後攪個爛GAG，品客已經被判唔係薯片，薯片非薯，請睇清左成份先好話自己食梗薯片。
#其實我都唔知LAYS係咪真薯片
#不過品客已經唔係