立即捐款

政經

繼續chur:屯門公園噪音滋擾跟進

繼續chur:屯門公園噪音滋擾跟進
廣告

廣告

屯門公園噪音問題,不用累贅,大家都知。

過去半年,不斷chur康文署,部門亦有交貨,包括不准有轆車仔進入,又加強勸諭等。確有街坊同我講,噪音製造者稍為收斂,檔口亦由高峰期廿幾檔減至十檔八檔。

但係,投訴仍有。家長仍苦於太嘈小朋友未能專心做家課;開夜班者仍苦於噪音未能睡好;公園使用者包括年輕女仔同我講,路過公園都有點驚。

今日,我再聯同康文到現場行動,部門更即場發告票。嚟緊要做證人也好,推動修例也好,可以做的我都會做。

我知屯公掃噪音,係會得罪人嘅,甚至本區街坊。更曾有「歌唱家」們倒返轉向我求助,話康文迫得太緊。我其實都係嗰句,我從沒打算趕絕任何人,只要你哋肯自律,嘈唔到啲學生、打工仔,年輕女仔不再驚,大家都可以用公園。

不過,有人唔自律,我唯有繼續chur,chur到修例chur 到底。

正確的事,我是不怕得失誰的。

廣告