坐係自己個位，常常思考如何用好四成議席既力量，我上任前既事，大家有意見有不滿，我好理解，但我無時間陪大家怨埋一份。
無家者友善議案，對我對民協係選票角度係無著數，但係我覺得我地唔可以咩都唔做，首先作為基層政黨就係要守護弱勢，作為民主派我地有責任探問廢除委任制後區議會，自主空間能夠發揮幾大作用，以至學習執政，差一席就過半，責任自然更大。
我未有答案，但我緊記在不自由時代以自由姿態活著，還有不得不提一下當區區議員衛煥南，南哥唔識得講 soundbite 做行動谷民情，作為區議員係弱勢同街坊信住間拉扯廿年，我都無聽過佢一定要逼街友走，呢種氣度係今日政治生態，實在不得不支持，南哥願意提無家者友善議案，我倒覺得從政者值得同佢講句多謝，佢證明從政同做好人無矛盾。
如果以為坐係金鐘就可以越過地區意願，用金鐘既權威可以壓倒人，慳d啦，食環你都未見到，政府其實同保皇黨一樣野蠻，你唔落區都係搵佢地唔到。
大家明天都集氣俾街友吧，看看能不能保皇黨嘔一票出尼，個動議過到，下一站就殺去油尖旺，咪俾民建聯再洗地。