今日下午舉行嘅印尼甲組聯賽，由Arema(阿雷馬)主場對Persiba Balikpapan，最終阿雷馬大炒3粒，不過球場看台極為冷清，只有1,664名球迷入場，身為東爪哇擁有最多球迷之一嘅足球隊，1,664呢個數絕對係恥辱，如果唔計閉門作賽，係球隊近十年來最低入場人數。
阿雷馬入場人數急降有多種原因，包括成積及球會內部問題，但唔代表球迷永久遠離球場，某些戲碼依然能夠吸引大批球迷入場，就好似上場對Persib Bandung，購票人數為27,610人，但場內其實塞滿超過30,000人，有幾千人冇買飛入場，但今日對嘅只係弱旅Persiba Balikpapan，所以就得返咁少人睇，不過實際可能唔止咁少人喺看台。
曾幾何時，阿雷馬主場場均接近3萬，就算對弱旅都有2萬人入場，係東南亞足壇最旺嘅主場，不過近年發生太多事，選擇性入場者增加，唔畀錢偷入者數目都增加。