24/9
是日集會，主辦方特設座談，由何芝君主持，讓自決與本土兩派代表對話，問答環節不乏火花。
林淳軒呼籲民主支持者，與其唾罵別人，不如用誠意說服一個人。大家都知後者方為正路，但卻往往選擇前者。
「當你最好嘅朋友同你講好撐政府，你點忍住唔講粗口，同佢心平氣和解釋咩事？點樣放下仇恨，係我仲學緊嘅功課。」
「點解反國教有咁多人行出嚟，因為我地擺左一兩年街站；點解傘運有咁多人行出嚟，因為有人擺左成年街站講公民提名。社會運動嘅力量，唔係在於有十幾萬人喺公廣嗰晚，而係之前累積嘅過程。十幾萬人出嚟好難；但累積更難。」
他笑言響應呼籲，坐言起行的現場觀眾，不會超過十分一，「但起碼有五個呀。我對未來非常悲觀，抗爭好難，成本好高。但只有行動先可以睇到一點光明。唔好等到輸哂先揼心口，點解當初唔努力。」
林強調參與傘運，是他人生的驕傲。「如果我為左讀書考試，冇去參加反國教同傘運，今時今日後悔嘅係我自己。我唔會因為判刑而後悔；但會為缺席而後悔。」
＊ ＊ ＊
黃台仰說現場市民不免對他有既定印象，煽動暴力，不負責任。
然而他很感激林淳軒、黃之鋒， 12 年反國教運動是他的啟蒙。直到 14 年傘革，眼見港人不顧撤退呼籲，準備為香港犧牲，「我不斷反思，點解人地可以付出咁多，自己可以犧牲到咩地步？」從此明白自由是他一生最所珍重。
黃以素人之身，偕友收集物資，駕車抵達中環，就在座談現場，即愛丁堡廣場下車，自設物資站。他驚嘆市民自發配合，毋須任何人指揮。
傘革後他們成立本土民主前線。黃承認部分行動「有魯莽同衝動，被情緒主導抗爭方向」。他們聽到市民批評，也一直反思。
經旺角一役，愈來愈多朋友入獄，黃說非常失落，自責甚至抑鬱，一度避不見人。他省思本土派行動，抗爭者難免懷抱仇恨和憤怒，但不應由情緒主導。應化情緒為動力，推動社會進步，令在囚者與自己的付出都有意義，不致白費。
＊ ＊ ＊
問答時段，多位市民接力發言，多說一直很討厭本土派言行。部份人聽過黃台仰說話，對他改觀並感欣慰；但部分人對本土派仍甚不滿，要求黃就過去鼓吹無底線抗爭、發起激進行動道歉。
一名市民說：「以前好憎你，因為覺得你講嘢不負責任。但今日聽你講嘢，真係好左好多，毋須要迫佢道歉。但你地揸咪，真係要好小心言行，真係要負責。」
其他市民則認為，黃始終要負責任：「我家人住係旺角。你地係我媽屋企門口。。。」
另一市民說，知行合一最是可貴，但亦最是知易行難。「今日聽到你講嘢，真係舒服好多。你開始睇到其他人。我一直提醒自己，要搵番當初傘運人與人之間嘅美好同信任。」
黃台仰說他不反對和平抗爭，而是反對和理非有「教條主義」。主流民眾每每抹黑勇武抗爭者，標籤他們是「鬼」；又視和平抗爭為教條，不可以討論。「我好肯定佢地唔係鬼，點解扣我地帽子呢？我地都會有情緒，部份人可能言論過激，全盤攻擊和理非。」
「雙方都有依個問題，大家都未識點樣溝通。為左爭取大家同意，我可以好廉價地不斷道歉。如果我道歉可以化解所有矛盾，我絕對願意。但我唔想大家以為我道完歉，所有過失同責任由可以由我一個人解決。我希望還原事實畀大家聽，即使冇本民前，冇梁天琦，冇黃台仰出現，現實環境仍然會迫使年輕人做依啲事。」
林淳軒回應說：「我願意尊重黃台仰嘅選擇，而佢亦面對選擇嘅沉重代價。過去有好多互相傷害，今日係一個好好嘅機會讓大家放下。」
他憶述眾志創黨之際頻頻甩轆，黃台仰也加入譏嘲「中箭」之列，但迨今早成過眼雲煙。「喺依個充滿政治犯嘅黑暗時代，我地都要學習點樣同人講嘢。」
林承認出於憤懣，過去也曾在人格上攻擊若干本土派，「雖然冇乜講過，但都有講嘅，我願意道歉。」
「我地以後要變，政見唔同可以辯論，但可以互相支持。我好樂意有一個伸出友誼之手嘅機會。今日係第一次，日後會有更多機會。」
「唔得嘅話唔駛勉強，但做得到嘅話就一齊做。」
＊ ＊ ＊
＊ ＊ ＊
＊ ＊ ＊
後記
我們可以堅持公民抗命，也可以選擇做梭羅
問答時段，筆者廁身其間，有份發言，離題甚遠。因為頗不豫曾鈺成先生抽林肯的水。
該信早為世所識，不乏學者鉤沉。整封信還有下文：
「上為我根據公職的視野陳述我的目標，但我無意更改已反覆交代的個人意願，無論何地，所有人皆享自由。」＊
（註）
其時紐約市是北方最親奴隸制的城市之一，故林肯在 New York Tribune 刊登的信，採用其他論証爭取當地市民。
遇弒前一個月，林肯發表連任演說，用最激烈的措辭為四年內戰辯護，這場仗是為奴隸而戰：
「鞭打（奴隸）的每一滴血，都要用劍血債血償。三千年前的話，迄今仍是至理名言：『上帝的審判何其真實和正義。』」＊
（註）
正題是因為查林肯資料，繼續看南北戰爭史，驚悉一處不曾為意。
約翰．布朗雖是白人，卻以武力抗爭解放黑奴，兵敗而遭處決。受審時他援引聖經的「黃金律」（馬太福音 7 章 12 節 ）：
「無論何事，我想人家怎樣待我，我也要怎樣待人」；「祂還教導我，要記住被捆綁的人，好像與他們同受綑綁。」
布朗成為殉道者，其後南北戰爭，聯邦軍唱著以他為名的歌，開赴戰場。
有兩個名人為布朗辯護，儘管一人在生時寂寂無聞。前者是雨果；後者是梭羅，就是公民抗命的始祖梭羅，他在 “A Plea for Captain John Brown” 把布朗與耶穌相提並論。
三人的上述言論，今人看來都有點「政治不正確」，或多或少遭埋沒。
梭羅的《抵抗市政府》，即公民抗命之濫觴。當中有一句名言：
「如果臣民拒絕效忠，官員辭去職務，那麼革命就可算成功。可以想像會出現流血。。。然而良知受傷就不流血？」
布朗、梭羅和林肯，都有同樣高尚的靈魂，也必然是左膠的聖人。現時的派系仇恨，癥結實無關和平或武力抗爭，還有更複雜的原因，必須打開心扉，才能直面核心。
筆者不認為堅持公民抗命是「教條主義」。他們多經過慎思明辨，肯認公民抗命在道德上最能服眾，在行動上最為有利。
但縱支持公民抗命，只要大家懷抱同樣情操，也可以選擇當梭羅，這是筆者唯一可以做的。
＊ ＊ ＊
資料來源
《老師的謊言：美國高中課本不教的歷史》