立即捐款

Momay

我係熱愛足球嘅油漆佬。 網誌

體育

泗水升班,3萬球迷上街慶祝,警察頭痛

泗水升班,3萬球迷上街慶祝,警察頭痛
廣告

廣告

圖:Bonek搭霸王火車去客場支持主隊

印尼乙組聯賽4強戰,Persebaya Surabaya(泗水)以3比1擊敗Martapura勇奪升上甲組資格,呢支擁有大量支持者嘅泗水市球隊升上甲組肯定會對球市有影響,今季雖然踢乙組聯賽,但平均入場人數比好多甲組球隊多,升返上甲組後預計更火爆,對住宿敵Arema FC(阿雷馬)可能可以容納55,000人嘅Gelora Bung Tomo Stadium都唔夠坐。

呢支泗水球隊,支持者都係一個焦點,泗水隊支持者自稱Bonek,每次球隊有喜訊泗水市街頭都會出現綠海一片,Bonek會上街遊走為球隊慶祝,有時幾千,有時過萬,就算唔係喜訊,例如球隊畀足總釘牌時,都有Bonek走上街為球隊發聲,可以話街道同Bonek已經連成一體。

不過今次泗水隊勇奪升上甲組資格後市內並冇出現綠海,因為Bonek們要等待泗水隊奪取總冠軍先會上街,預計上街慶祝嘅人數會有3萬人,由於人數較多,所以警察非常緊張,因為過往Bonek引發唔少暴力破壞事件,佢哋正研究是否批准Bonek上街慶祝。

廣告