政經

有關僭建

有關僭建
廣告

廣告

好歹我都係一個工程師,今日想講下鄭若驊既僭建問題(easy,與政治無關)。

近年成日俾人拎嚟做政治武器嘅僭建,實際上嘅情況係「未經屋宇署批准改動樓宇佈置」。即係你間屋本來係屋宇署入則,對門同個窗或者其他嘢喺邊度,如果冇喺屋宇署再入則,係乜都唔可以改。無論大小規模,改咗,就係僭建。

點解屋宇署點解要管?有幾多個香港人可以住獨立屋呢?大部分人咪住一個單位咁大把?多層大廈入面嘅單位,間隔理論上係經過細心規劃,一定會符合屋宇署要求嘅樓面面積(GFA),亦都會符合消防及其他出入要求,結構安全就更不在話下。 假設由一個完全唔知規例嘅人去加減,令到走火以及出入出現問題,甚至影響大廈結構,係會影響到大廈住戶嘅安全,屋宇署對呢啲問題當然就無旁貸。

然而香港嘅規例就係鐵板一塊兼奇怪。即使係私人建築,都一定要求符合各種建築規例。即係話,係一個荒島上面你起間屋畀自己住,你都要得到屋宇署批准。這時候就有一個很簡單的問題:自己一個住自己間屋,死咗都唔關人事,咁點解加加減減屋宇署都要管?

其實的確係,管係好無謂。不過成龍都有講:「中國人是要管的」。如果屋宇署唔理, 咁一塊本來只係可以起兩層樓嘅地,恐怕啲人喺上面再僭建多兩三四層都唔出奇。最經典例子就係丁屋僭建,不過屋宇署一向都係欺善怕惡,郁唔到新界佬,又唔敢滾搞啲有錢佬,所以僭建呢樣嘢,一般只係會搞小市民嘅冷氣機架或者簷篷之類,未有689之前,呢啲點會拎出嚟做所謂嘅黑材料?

平心而論,自己同自己間屋改建,其實係好合理。係美加,呢啲直頭叫做「Home Improvement」。人有錢自己住一間屋,天台加裝玻璃屋,屋旁邊整個儲物室又有乜嘢咁奇怪?而且如果要根據香港建築條例,就算想入則,出嚟嘅結構有陣時會誇張得恐怖,相信老公都係工程師嘅鄭若驊應該好清楚。 所以呢類小改動,唔入則重比較合理。

而家搞到咁嘅田地,鄭若驊想唔拆曬啲僭建都唔得。但係突然要將間屋咁樣打回原形,我就唔捨得。如果我係鄭若驊,我一早寧願繼續住咁啱自己心水嘅安樂窩,都唔想去做高官。而家咁嘅景況,都算係佢自己買大開細,冇人幫到佢。

一早都話痴埋呢個政府就舐嘢㗎啦。而家仲唔係邊個埋去邊個死?

廣告