九巴除左識玩炒人炒到滿城風雨，其實重識透過租政府地再炒自己地起樓，一個斗零都唔駛分番俾啲巴士司機，等9巴子教下你點玩啦。
第1步：先陸續將九巴自置土地的巴士車廠空置或拆卸；
第2步：同政府講冇地擺巴士，再以短期租約方式平租政府地作重置車廠；
第3步：再透過財技轉移土地和利潤予九巴母公司「載通」的其他子公司，製造帳面上虧損，加車費轉嫁至乘客和要求用公帑補貼；
第4步：騰出了的九巴車廠地，向政府申請改劃（又得左），就可以攪埋地產啦。
九巴過去透過這種「騰籠換鳥」，以政府寶貴的公有土地資源，來補助九巴來發展龐大地產計劃。例如早前拆卸舊荔枝角車廠，而再向政府租地作車廠，轉售地皮予同是載通子公司的荔枝角地產公司，重建為在06年落成的豪宅曼克頓山，在06年至14年間因此總共獲利達85億。
另外，還有其餘約7塊車廠地都被轉予其他載通子公司，發展為商場、寫字樓和倉庫，每年有逾6000萬（2016）的經常性租金收入。在這種操作下，在11年至13年間曼克頓山即使獲利不少但帳面上九巴都是虧蝕，曾連續三年上調車費。
九巴炒人又炒地，起家歛財靠財技。唔怪得之香港冇地起公屋，有地起豪宅啦，我地明哂啦9巴子！