立即捐款

政經

致工聯會王國興——DQ區諾軒,將浪費485萬罐午餐肉

致工聯會王國興——DQ區諾軒,將浪費485萬罐午餐肉
廣告

廣告

今日王國興話要「協助」市民入稟法院DQ港島補選勝出的民主派區諾軒。

1. 王國興最出名係乜?就係瘋狂鬧泛民拉布。其中一樣就係喺2014年財算案辯論中,鬧民主派「拉布」一日浪費255萬元公帑,足以換取16萬罐午餐肉或12.8萬罐豆豉鯪魚幫助基層家庭。

2. 計下數。2016年新東補選,當時選舉事務處預留7,300萬元。今次DQ議員,3個地區直選加1個功能組別選舉,預留3.2億元。

我當今次1個地區直選8,000萬好未?消委會3月12日資料顯示,梅X牌午餐肉397克一罐約16.5元,8,000萬公帑就等於485萬罐午餐肉了。你咁樣又再入稟,點對得住等午餐肉開飯嘅基層家庭。(至於之前DQ 6個議員,就涉及幾千萬罐午餐肉了)

消委會網上價格一覽通

3. 王國興2004年自動當選勞工界議員。2008年轉戰新西直選,當時有35,991票。2012年轉到港島,27,336票尾席當選。2016年超區233,236票,排第六,bye bye。唔知佢成功「協助」DQ區諾軒後,仲選唔選喎(或者工聯會有冇人出嚟選),咁當然都要問過民建聯同新民黨同西環啦。今次出陳家珮都唔係冇原因架嘛,等王國興可以步向退休。

4. 上次輸咗超區,佢就搞咗個「23萬監察」,話自己有23萬票,所以要監督立法會。但我理解唔到點解佢自打嘴巴,浪費公帑。

5. 咁王國興都仲係東區小西灣區議員嚟嘅。2015年,王國興1,981票 vs 人民力量譚得志(快必)1,229票 vs 建制派地區樁腳、柴灣區街坊福利會理事長朱日安783票。

6. 當然,DQ嘅最高指令梗係唔係來自王國興啦。連資深大狀都出動埋喎。

7. 但唔理啦,工聯會埋單啦,浪費公帑,阻基層開飯,點對得住基層打工仔呀?

廣告