（獨媒特約報導）立法會補選投票結束後不足一星期，姚松炎上星期六下午回到被指是建制票倉的啟晴邨謝票，2015年區議會選舉曾代表民協出選這區（啟德北）的李庭豐都有到場。新公屋多新移民，新移民較支持建制派？新公屋無得打？獨媒訪問了李庭豐，嘗試尋找民主派在新公屋大敗的原因。
他認為新移民不一定全投建制，承認新邨有不少新移民居住，但不認同新移民等如親建制：「佢哋之前住劏房，喺較紅底嘅地區生活，上咗樓之後，普遍都對香港的社會發展同政治的關注點低，加上政府的福利及服務都唔好，政黨就利用資源及人力去補這個位；係天時、地利同人和造就咗建制派去 reach 佢哋。」
李庭豐正職是社工，多年來在民間組織工作，在2013年加入民協。他笑言和民協早有緣份，先是2007年區選已替參選黃大仙慈雲東、民協的曾淑儀助選，2011年區選則半職替江貴生助選深水埗李鄭屋，2012年更支持馮檢基參選立法會超級區議會，成為民協立法會辦事處職員，「我其實係雙工，黨工加社工。」
四個人服務一個區
和2015年在德朗邨參選的民主黨蘇綺雯一樣，李庭豐在2013年7月30日，即是派鎖匙當日入邨：「其實係遲咗，建制派喺何文田同樂富預派時已去『撈客』，甚至預早搞睇樓團。」啟德兩邨分三期入伙，但已有李庭豐、民主黨蘇綺雯、民建聯文潤華及公屋聯會梁婉婷在邨內工作。李庭豐認為街坊最開心，因為福利及服務「乘四」，「前期係好混亂，得六幢樓，四個都搶住爭。」
啟晴邨在重新劃界前，原屬當時仍為民協的區議員楊振宇的宋皇臺選區。李庭豐每日不斷來回馬頭角道和啟晴邨，獨自拿著物資往邨口開街站：「仲記得巴士坐三個站，但就兜到咩咁，真係要放好多心力做先掂。」他坦言從未試過這樣去開荒，當時的啟德沒有店舖，連飯都無得食，因為位置偏僻，有人從外來賣飯盒。李庭豐帶點荒涼地說：「要學習面對孤獨，因為知道無人可以依靠，要靠自己去解決所有資源問題。」
在訪問中，李庭豐多次強調社工的身份，建制派主力派精美的入伙指南和電燈泡，他的賣點則是服務，「其實個個都話同居民驗樓，但我同佢哋講我哋（楊振宇）係當區，遲啲會有辦事處，可以嚟求助。」他又積極跟進後來更換承包商的街市問題，務求引起話題。
在2015年區議會選舉公布結果後，李庭豐和梁婉婷的反應成強烈對比
建制網絡龐大 旅行團都要攬炒
道高一尺，魔高一丈，何況對手是來勢洶洶的建制派。李庭豐認為兩名對手都十分進取，他在區內舉辦一日遊旅客團，誰不知公屋聯會、現為啟德南區議員的何華漢都辦了一模一樣的旅行團：「佢價錢較平，搞到我無法成團，雖然佢最後都未能成團，但就係要攬炒。」
啟晴邨分別有六座共5,400戶，李庭豐試過用了四小時將傳單入信箱：「無錯，係一條友入晒。」建制派則有龐大的網絡，他指對手梁婉婷根本不用自己出手做這些工作，能長期安坐臨時街站見街坊。李庭豐認為民主派及建制派最大的落差是「人」，他同意民主派較難動員人手，在新邨更甚；建制派卻已透過「派嘢」及同鄉會組成網絡，並加大力度散播出資訊：「呢個都係輸嘅主要原因。」
「民協啟晴邨楊振宇議員辦事處」在2016年12月30日撤出啟晴邨
後來成功開設辦事處，他發揮社工的專長，搞活動和開班，用盡辦事處的空間。民協更聘請一名全職職員協助，李庭豐笑言是皇恩浩蕩：「兩個人加一個辦事處，對民協又好，民主派又好都已經係很大的資源。」
時間去到2014年年中，對手梁婉婷亦開設辦事處，更開始向街坊派奶粉，「啟晴有奶粉派，嗰時街知巷聞」。李庭豐續指，建制派的資源有如滔滔江水：「衣食住行有晒，本地旅行團、超市團購，後尾仲有高級版蛇齋餅糉，請食麥當勞同睇電影。建制啲人喺開場前會講啲嘢，增加下曝光。」
成也鉛水，敗也鉛水
2014年下旬爆發雨傘運動，李庭豐在旺角佔領區充當咪手。「有街坊同我講，喺電視見到我，仲問要唔要嚟探我，我聽到後就知仆街了。」果然，李庭豐在邨內貼海報被街坊責罵，開早站又被問候「返旺角啦你」，更有人撕爛單張掟向他。他認為雨傘運動令社區更緊張，民主派注定拿不到中間票源。在兩傘運動前夕，他已當常問自己：「我係咪真係贏到？其實很迷惘，覺得自己差啲嘢。」落區三年，他接近斷六親：「我賣咗身俾民協，賣咗身喺呢度，睇新聞都會先睇有無關啟德事，發生死人冧樓都會返嚟睇有咩做到。」
在區議會選舉前夕，啟晴邨爆出鉛水事件。李庭豐認為是成也鉛水，敗也鉛水。他詳細解釋，認為社區工作者在事件中可接觸街坊的層面擴大，居民甚至自己送上門。「知名度同支持度都上升，但敗個位係只識動員傳媒機器，卻沒有落地，無好好放返入區。」李庭豐帶點唏噓地說。
啟晴邨後來更發生槍擊案，這條邨成了多日新聞的頭條。李庭豐認為，鉛水事件令建制派調整部署，「驗水、搵財團資助濾水器同喺媒體度搶 bite，你點頂？」「五條鉛水邨只死剩一條（葵聯邨），我都唔怕講，吳劍昇係相對低調。」李庭豐指區選的原則是低調，「唔好俾對手知咁多，槍打出頭鳥」。
「幾千蚊嘅濾水器，有人送上門，其實好難抗拒。」在物質以外，還有呃呃氹氹。他斥建制派曾對居民出口術：「你投俾對手？綜援都無埋呀，你想申請仔女落嚟？你知點做啦。」記者在啟晴邨和李庭豐傾了兩小時，經過打招呼的街坊絡繹不絕。李庭豐強調絕不反對蛇齋餅糭，「傳單又好， 蛇齋餅糭又好，都係一個媒介，而呢個媒介可以係服務，無媒介就無得接觸街坊。」
民主派在啟德兩邨大敗收場，李庭豐在啟德北只得932票，梁婉婷最後得票高達2,610票。李庭豐事前覺得能夠攞一千票，令他感到意料之外的是高投票率，「我哋兩個都係死於高投票率」。「鉛水初時其實有信心，辦事處電話從未停過響，自己連續聽咗八個鐘電話。」但進入選舉期後，他知道自己列入建制及中聯辦的5星被招呼名單後，已打定輸數。
而建制在競選期間，「嗱喳」手段盡出，「有街坊同我講返，支持阿豐就投1號，其實佢自己就係1號，而且仲見到有人投完票去彩虹邨攞禮物。有人仲誇張，揸車嚟條邨投票，問我票站喺邊。大佬，我係候選人嚟嫁。」
強調社區服務重要 「民主建制都避唔到」
在星期六的街站，有街坊說「姚生你咁遲嚟」，有街坊說「收皮啦你班騎呢怪」，區內氛圍兩極。姚松炎亦對記者承認可以做得更好，指今次選舉的人手是根據2016年立法會換屆選舉的票站得票作安排。「我哋無樁腳，但首先要保住2016年的票倉，所以相對少落嚟呢度。」
新公屋成為民主派的英雄塚，除了啟晴及德朗兩邨，姚松炎在石硤尾邨的得票同樣大幅落後。李庭豐重申，出選新公屋區必須要了解該區的實際情況，要有充足的事前準備工夫：「如果覺得個區重要，就要投放更多資源。當然，候選人形象都重要。」
但他認為建制派的得票較2015年區選時下跌，民主派得票則是咁上下；證明有一定程度的民主派支持者。他認為政府十分看重啟德發展區，將來依然是重點發展的地方，民主派的社區工作要更仔細及對準：「但立法會嚟講，呢度真係只有守，唯有其他地區做多啲。」
李庭豐強調社區服務十分重要，「民主建制都避唔到」，「問題係建制學咗你嘅服務，再做多十倍；你做議題，對手就做份報告，先過你話成功爭取。民主派其實係輸咗俾複製模式，輸喺對方掌握快到唔知可以點應對。」
記者：麥馬高