題為編輯所擬。
我覺得法庭及法律界人士不斷搬出法庭不會考慮政治因素，只作法律裁決；但在裁決時卻向政權完全靠攏，自以為空口說白話就能維繫法庭權威，不損其公正性的言行，是赤棵棵的自欺欺人。
不斷重覆此一論點，但在實際裁決時自障雙目，偏幫制度暴力，輕忽制度施暴，拒絕理解初一案參與者動機、成因、背景，已是在暴政前退讓三尺，如同默許暴行。
當示威者反抗警察係襲擊；警察襲擊施威者係制止時，法官大人都做咗判決。暴徒縱火就係證據；政權施暴就法庭不作討論，咁到底證據是什麼？何謂證據？真相在何處？真係蝦蝦蝦，三隻蝦。其實一點也不好笑。公允裁決，如何達致？一想而知。
無論法官言論有幾崇高指稱嚴懲暴徒方能維護社會秩序，一個不能帶領社會反思、因循封閉的司法系統，最終不能取信於民。司法權威，最終會自我崩潰。
守護司法獨立？維護法治公義？實踐上真係僅至「維護法紀」的層次！維護法紀，我梗係認同襲警乜乜柒柒，都係錯到交關、愚蠢，但咁錯同蠢的事都有人做，到底又係為乜？
當司法系統於人的情感：義憤、不安、沮喪、灰心、無力面前，完全係麻木同殘廢的時候，咁你 expect D人 有咩選擇同出路呢？一係你講清楚法庭係呢方面深表同情，但無能為力；一係就話法庭法理外不考慮人情事態世故，唔好假惺惺一大堆堂而皇之的說話去掩蓋香港法庭的自我設限同無能。（仲有向政治權威跪低的醜態，但稱其為保護社會、秩序及大眾。）
今日聽咗好多楊振權 Quote unQuote，我好期望司法公正、法治公義、細膩分析，終有一日會係一個地方的核心價值同實踐習慣，而唔係粗製濫造，隻眼開隻眼閉，言行不一當閒事。我對人係有信心、期望同希望的，之不過對香港法庭，我是沒有幻想，完全沒有幻想。沒有幻想，所以我不會失望，只是愈來愈清楚法庭的局限和一些假象上的自我欺騙。
而我衷心期望社會及法律界是能夠重新建立被摧毀得頗為嚴峻的司法文化、價值和行事準則。我係唔會理法庭有幾＿＿，我會堅持參與我覺得推動社會改變的事情。無人是百份百正確，如同你我，錯誤許多，但對的事要講，撐到底；錯的事一定要有所修正，有所省察，而不是蝦蝦蝦，好似今日見到的事咁。