撰文：實習同學嘉浩、阿拔
蘇姑娘在二零一五年從湛江遠赴至香港打工，成為宏光護老院的護理員，每日由凌晨四時工作到下午四時，為的只是把每月約一萬元的工資（被宏光老闆回扣工資後只剩約七至八千元）寄回家鄉，養活家中兩老及子女：「我老豆有失憶症，連我哋都唔識啦，家婆又中埋風，佢哋睇病嘅醫藥費加埋細路仔讀書，每個月起碼都要五、六千蚊開支，有時為咗慳嗰幾蚊，都好少返去（鄉下）。」即使來港兩年，蘇姑娘的生活都離不開牛頭角的院舍和在院舍附近居住的宿舍，每日下班後就是回宿舍看電視、洗澡和睡覺，逛街、購物對她們而言根本是奢侈，今次罷工更是她們首次踏足港島區。
為了生活，為了減輕家庭壓力，蘇姑娘才會選擇離鄉別井到香港打工，所以當她照顧護老院的院友時，都會像照顧家中兩老一樣悉心照料：「我哋服侍老人家真係當佢哋係我哋父母咁樣服侍佢地，冇諗到老細會咁整我哋，我哋先冇辦法，要站出嚟。」五月底，宏光護老院突然解僱在院舍工作八年的黃姑娘，並威脅黃姑娘簽署糧單及離開院舍，否則將向其家人報復，九位護理員眼見黃姑娘的處境，擔心自己會成為下一個被解僱的工人，日夜受盡精神壓力，便乾脆站出來，加入罷工行動。
宏光護老院九位護理員連日罷工，宏光老闆不但沒打算還他們血汗錢，更聘請律師出律師信威嚇他們，但蘇姑娘坦言，當他們決定要站出來，已深明後果，以後或再沒有機會來港工作：「我哋今日站出嚟，就係為咗以後外來嘅工人唔洗受剝削，如果繼續俾啲外勞入嚟，但入嚟係俾老細整、俾老細蝦，根本就冇意思！」政府一邊擴大輸入外勞，另一邊卻沒向外勞提供足夠的保障，任由他們受老闆剝削，蘇姑娘說：「政府根本冇諗過解決問題，如果今日我哋冇站出嚟，你哋根本就唔會知道政府係點樣縱容老細剝削外勞工人！」