立即捐款

足球說故事

你看足球,我說故事。 網誌

體育

憎一個人,你總會搵到方法入佢

憎一個人,你總會搵到方法入佢
廣告

廣告

從奧燒退隊一事,你會睇到咩叫「haters gonna hate」,好似拜仁主席漢尼斯,佢有咁嘅睇法:

「我很高興他終於退隊,他的表現如垃圾,他對上一次在場上拼搶贏得皮球,已是2014年世界盃的事。每次拜仁對阿仙奴時,我們都會針對他,因為他就是弱點所在。」

一個五屆德國足球先生兼德國歷史助攻王,都被評價到如垃圾一樣,以此推測,絕對有理由相信,在座有份評選奧燒獲得德國足球先生榮譽嘅人,全部都係垃圾。當一個垃圾都可以贏得呢啲榮譽,某程度上你唔止侮辱緊奧燒,亦都侮辱緊自己國家嘅足球。

進攻球員同樣要兼顧防守絕對合情合理,但你唔留意佢進攻嘅數據,反而單用一次防守攔截評定一位進攻球員嘅能力,賴佢防守冇作用?喂,你不如問埋打龍嘅紐亞,點解4年嚟冇入過一球波?

你話奧燒表現垃圾,但拜仁嘅球員亦唔見得好好,梅拿隱形、保定變炸彈、甘美治都打唔返拜仁嘅水準,點解漢尼斯又唔講下拜仁球員表現有幾差?今屆德國成隊波都差,但點解次次失波都總係賴落奧燒身上?好似世界盃第一場輸畀墨西哥,個個都鬧佢守唔住羅辛奴,但偏偏冇人鬧衝咗上最前而失晒位嘅甘美治。

記得《一念無明》入面,曾志偉有句對白:「有事嗰陣我唔係需要你哋幫,我只係希望,你哋唔好圍埋踩多腳。」

莫講話作為拜仁慕尼黑呢間咁大球會嘅高層,單純作為德國人,你可以唔撐喺德國土生土長嘅奧燒,但你都唔需要不斷搵位嚟奧燒入罪,窮追猛打多加一腳,你仲要以拜仁主席身份講呢番說話,我就算唔係撐奧燒,我都會反問:「喺拜仁嘅德國球員表現又好好咩?」

憎一個人,你總會搵到方法入佢,漢尼斯再一次完美地演繹出呢句說話嘅精髓。

足球說故事 Facebook Page

廣告