立即捐款

政經

港人無私奉獻情操高尚

港人無私奉獻情操高尚
廣告

廣告

1. 政府終於宣佈高鐵內地口岸區的租金安排,香港會向中國大陸就內地口岸區象徵性收一千蚊一年租,同時宣佈二零一九年起香港就深圳灣口岸每年都只會交一千蚊租俾深圳,兩者叫做打返個和。畢竟深圳現在按市值每年收緊香港八百一十萬人民幣租,可能政府都知道如果冇辦法拉平條數的話香港人聽到一定會反枱,於是就諗到不如叫深圳減租呢一招。站在深圳市政府的立場,考慮到西九塊地貴過蛇口咁多,大家互交一千當然抵過大家互交市值租金,答應是正常的選擇。

2. 但係件事未完的。當年開深圳灣口岸的時候,深圳仲一次過問香港收了十五億人民幣的土地開發費。當年深圳真係同香港計到足。深圳灣填海要搬漁排,問香港攞錢;填海要開石,個礦場本身有人住要動遷,又問香港攞錢;開完石要種返樹上去,都係問香港攞錢。最後數埋成十個細項,連動遷地價都計到足。同一個道理,咁西九挖咁大個洞,中國大陸點解又唔夾返錢?西九塊地唔用來做一地兩檢的話,賣出去會好值錢,用同一個邏輯一樣應該要中國大陸賠喎。

3. 呢度仲未計建築費。當年深圳灣個港方邊境係香港自己出錢起的,現在西九個內地口岸區又係香港自己出錢起,按同一標準係咪可以問中國大陸要返?有傳媒計過,成條數加埋香港其實可以問中國大陸收返 64 億,夠出多兩個月綜援同生果金架喇,一係攞黎派每人一千蚊都唔錯啦。

4. 可以想像,香港政府會話一地兩檢都係為方便香港人⋯⋯先唔好討論一地兩檢係咪必須同有幾方便,喂,你自己個推算話有四成客係內地人,按人頭計要中國大陸分返四成建設費又如何?定係想講兩個一地兩檢都係香港要求中國大陸做,唔好意思問中國大陸攞錢?Sorry,呢個立法會唔係我選出來的,一地兩檢係香港要求中國大陸做呢個講法,人唔笑狗都⋯⋯

當年深圳收錢帳單

廣告