就算你唔係住係元朗，只要入過元朗，都一定感受過大馬路的「人潮」。政府就認為，疏導人流最好的方法是起一條造價17億的行人天橋，連接朗屏站和教育路，方案得到區議會保皇派全力支持。
【影片】
但是，要疏導人流，起橋是否最有效的方法呢？我就去左元朗大馬路巡左一圈，發現行人路有唔少騎呢設施和交通設計妨礙人流，要對症下藥，係咪可以先清走依d障礙物？
建議改善地方：
1）大棠路永隆金鋪對開過路處行人路太窄，可以移開少少到較闊的位置﹝康樂路站是另一個有問題的過路處﹞
2）大馬路有十個以上嘅電話亭，長期無人使用，可以移走
3）大馬路有不少沒用的欄杆，再加上亂泊的單車，可以一併拆走
4）大馬路上指示不清的路牌，可以拆走
5）大馬路的兩條過境巴士站，將其中一條移離大馬路已經鬆動好多
想元朗好行啲，不一定要用「加法」，「減法」可能更有效。
各位元朗友，諗到其他疏導人流方法，敬請留言！