立即捐款

煙士打淫

麥浚龍的歌,崑南寫散文,黃子華棟篤笑: 情色文化無處不在,最緊要係,佢在你腦海。 網誌

國際

共產主義由頭輸到腳趾尾

共產主義由頭輸到腳趾尾
廣告

廣告

英國首相邱吉爾講過:The inherent vice of capitalism is the unequal sharing of blessings. The inherent virtue of socialism is the equal sharing of miseries.

無奈地,呢個係不爭嘅事實。

以前冷戰美國帶西歐,叫佢地一定要貫徹資本主義:無關稅、無配額、無外匯管制,不停將貨物傾銷去世界各地,結果齊齊賺大錢。至於蘇聯帶嘅東歐呢?五年計劃一個接一個,但係人民窮到工薪夠買對布鞋、就唔夠買多袋麵包。

二戰後嘅歐洲係最好嘅實驗室,證明共產主義註定窮,而且係窮到燶個隻。1960年捷克每200人擁有一部汽車,英國每20人就有一部,經濟發展差九條街,原來一日最衰都係當初揀錯大佬、行左條共產嘅不歸路。

資本主義並非完美,淨係Winston Churchill個句說話都知,資本社會必然存在unequal allocation of resources嘅問題,但係同時間,Adam Smith提出嘅invisible hand卻可以奇妙地運用,整個市場生態好似大自然一樣。所以呢隻看不見的手,又叫左invisible hand of God.

或者今日中美貿易戰入面,中國輸到攤攤腰,其實都可以從歷史角度分析:六十年代經濟太殘破,就算之後改革開放係發展得好快,但係中美經濟基礎差太遠。

今時今日,唔少東歐國家已經醒悟、重投自由市場嘅懷抱,可惜久久未能追上西歐發展,某程度上,歷史都係一個因素。

好多人以為冷戰當年美蘇鬥到難分難解,事實又係唔係?早喺二戰時期,美國工業已經佔全球三分二,蘇聯經濟一早唔掂。後來嘅蘇聯多左班東歐國支持,暫且吊住條命仔、苟延殘喘,冷戰歷時三十年,最終美國無點出擊,蘇聯都逃唔過必敗嘅命運,自己瓦解。

愚以為今日中美貿易戰亦然。2000億同500億關稅:唔洗問呀貴都知中國根本唔夠人打喇,江澤民個5000億身家都危危乎:面對特朗普呢個名符其實嘅瘋人總統,中共大勢已去,就算美國唔出手,亡國都係遲早嘅事。落得如此田地,都拜馬克思所賜。

共產的確係個理想嘅大同世界,人人有飯食,資源公平分配,唔存在錢銀家當方面嘅差異。所以窮苦國家最容易走向共產:蘇聯、東歐、越南、柬埔寨、中國。可惜嘅係,呢個理想只存在於理論,實踐起黎卻艱鉅得多,除非個班市民唔係人,否則佢地都會有惰性同唔gur嘅時候。馬克思理想就如泡沫.....如果沒有看破,為甚麼難過......

今時今日中共仍然生存喺世界上,睇怕同當年蘇聯都係一樣苟延殘喘,逃唔過共產必敗嘅命運。

筆者算得準唔準就唔知,但幾時都話邱吉爾首相係個超級高瞻遠矚嘅政治家:由佢批死綏靖政策失敗、到發表鐵幕演說,同埋個句:capitalism is the unequal sharing of blessings; socialism is the equal sharing of miseries ,真係準過神仙。單單幾行英文字,已經道出左共產黨必敗嘅命運。equal sharing, equal sharing......of what?! Miseries.

廣告