林鄭話佢俾網民網絡欺凌。
我腦裡立即彈出「鄭嘉穎.jpg」（唔明自己Google），你俾人網絡欺凌？你係咪kai㗎？你係特區之首，你雖然只係小圈子777票「選」出嚟，但你始終係一個掌握公權力嘅政客。一個有公權力嘅公職人物，即使係做得幾好幾差，有人批評甚至鬧好正常，接受唔到民眾批評嘅，冇資格做政客。喺文明社會，政客就算要告批評者誹謗，門檻都超高，因為民主社會其中一個重要原則就係保護人民有鬧當權者嘅權利。
況且，你講乜Q嘢網絡欺凌？網絡欺凌首要嘅原則係權力不對等，被欺凌者相對於欺凌嘅一方冇權冇勢而造成傷害嗰啲先叫欺凌。林鄭你係香港政府之首，你話俾人欺凌？你而家係無權力嘅一方咩？你有權力洗Q晒香港人啲儲備、有權違法褫奪公民參選權、有權指揮全港幾萬個永遠好人嘅警察玩死啲示威者、有權司法迫害反對派，連媒體話語權都係你手上，你俾人欺凌？
咁事實上林鄭俾網民鬧得狠，點解鬧得狠？咪就係因為你做嘅嘢仆街得很。
民主世界係咪少啲人鬧當權者？我唔肯定，但我肯肯定民主社會啲人民，佢地唔順氣唔一定要鬧當權者，佢地只需要下次投票嘅時候投對家就已經可以。香港人唔滿意你做中共走狗搶香港人錢咁仆街，佢地有冇得下次唔投票俾你？冇吖嘛，咁所以咪只能夠鬧無仆街囉，唔通咁樣叫欺凌你呀？