攝：Alex Leung
《明報》報道，耗資4億的活化項目元創方，連年虧蝕，但原本去年是有錢賺的，只因有大型租戶走數，要撇帳千萬，所以最終蝕錢。
做保育不一定要賺錢，但當妳的租戶是富二代，佢地又唔係有心投入推動發展文化事業，咁又唔同講法。佢地過完老闆癮，便無心經營，或經營不善而致蝕大本，無理由仲當佢地係有心人，用文化價值去衡量佢地嘅付出。
如果只是一盤生意，就無理由畀佢欠咁耐租，最後仲咁輕易結業清盤走人，當乜事都無發生，完全唔駛上身，咁點對得住d老seafood 成日掛在口邊的獅子山精神呢？老seafood成日話後生仔唔捱得，你估邊啲人先最唔捱得丫拿?難為果d用血汗錢租個鋪仔艱苦經營的小店店主啊！
香港貧富懸殊唔在講，實情1%的權貴階層仲有好多潛在的油水可以撈，妳／你估普通人有本事用公共資源玩泥沙而代價咁有限咩?粉嶺高球場只是一個較受注目的例子而已。