立即捐款

Momay

我係熱愛足球嘅油漆佬。 網誌

體育

新加坡足球又玩返歸化,但.....

新加坡足球又玩返歸化,但.....
廣告

廣告

今年亞協盃入面,新加坡嘅Home United(內政聯)雖然喺Inter-zone play-off semi-finals作客以1比9不敵北韓425軍,係新加坡足球史上喺亞協盃入面輸得最慘烈嘅一次,不過佢哋喺Group stage可以用兩個外援嘅情況之下壓倒大熱Ceres–Negros首名出線,再喺Knockout stage淘汰Persija Jakarta,最後又遇上Ceres–Negros,呢次內政聯兩回合以3比1淘汰對手,成為亞協盃東南亞霸主,都算係對經歷低谷中嘅新加坡足球嚟講一個小安慰。

而喺作客印尼Persija Jakarta之時,有一位內政聯球員表現非常出色,佢係內政聯喺嗰場比賽可以贏波嘅超級功臣,佢個名叫Song Ui-young(宋仁榮),係一位24歲嘅南韓中場球員,18歲時曾經效力過J2嘅熊本深紅,2012年去到新加坡加盟內政聯,之後短暫返去南韓,2013年再次返到新加坡加盟內政聯,一踢就踢到今日,成為球隊一把利刀。而因為對Persija Jakarta一戰表現非常出色,所以Persija Jakarta喺近日就希望可以簽呢位南韓球員,甚至出兩倍人工,如果計埋獎金,佢喺Persija Jakarta可能每個月會有大約三萬美金人工,條件比佢喺新加坡吸引,不過最後宋仁榮拒絕咗呢個優厚條件,選擇同內政聯續約兩年。

因為財力問題,新加坡聯賽嘅外援間唔中成為印尼球會「捕獵」對象,例如早幾年出現喺印尼聯賽嘅日本後防金古聖司、南韓後防朱基煥,中場朴哲賢、吳英均、前鋒崔東洙等都係喺新加坡聯賽踢過波,宋仁榮只係其中一個。而宋仁榮拒絕Persija Jakarta重金誘惑原因係希望專心歸化新加坡踢新加坡國家隊,新加坡嘅歸化政策停咗十年,因為新加坡足球成積持續下滑,所以新加坡足球協會最近已經重啓呢個方案,不過宋仁榮喺上個月歸化失敗,但佢已經再次申請,根據reddit.com記載,佢話...

「我會留在內政聯,因為對我來說有更大的影響。」

「內政聯和新加坡就像是我的第二故鄉,我可以回饋他們。」

「我18歲時就來到這裡,我覺得自己已經是半個新加坡人。我非常喜歡kopi(咖啡)和食物以及與這裡的人們交流......新加坡人真的很驚訝我,讓我有賓至如歸的感覺。」

「有一天,我希望我能為新加坡效力,因為我熱愛這個國家。」

參考:
Song Ui-young rejects Persija for Home stay, eyes Singapore colours

廣告