立即捐款

Momay

我係熱愛足球嘅油漆佬。 網誌

體育

去新喀里多尼亞踢波,冇人工,你肯唔肯?

去新喀里多尼亞踢波,冇人工,你肯唔肯?
廣告

廣告

最近位於大洋洲嘅法國海外屬地新喀里多尼亞舉行獨立公投,最後有以過半數反對否決脫離法國獨立。呢個屬地可以以獨立身分參加FIFA嘅比賽,係大洋洲入面足球實力都算比較好嘅會員,喺太平洋運動會足球賽入面拎過7次冠軍,喺大洋洲足球錦標賽拎過3次季軍同2次亞軍。能夠有呢個成積,主要靠一批喺海外聯賽效力嘅球員,例如2016年大洋洲足球錦標賽,新喀里多尼亞就有4位喺法國效力嘅職業球員,包括喺法甲、乙搵過食嘅Georges Gope-Fenepej,因為屬地關係,大部分喺海外聯賽效力嘅新喀里多尼亞球員都喺法國踢波。

而因為屬地關係,新喀里多尼亞盃冠軍可以參加法國盃,但要喺外圍賽打起,不過由於實力問題,新喀里多尼亞嘅球隊踢法國盃都係外圍賽首圈出局,好似2016年新喀里多尼亞班霸AS Magenta就喺法國盃外圍賽首圈主場對法國全國乙組聯賽嘅Pau FC,雖然Pau FC要去到老遠,但由於實力差距,AS Magenta輸1比7,上年再由AS Lössi代表新喀里多尼亞踢法國盃,結果又係輸1比7。

而新喀里多尼亞有自己嘅足球聯賽叫New Caledonia Super Ligue(新喀裡多尼亞超級聯賽),不過唔係職業,而且極少請外援,最成功嘅球會就係AS Magenta,最近又拎咗新超冠軍可以參加2020年大洋洲聯賽冠軍盃。而喺參加2017年大洋洲聯賽冠軍盃之前,AS Magenta曾經簽咗一位法國職業球員,佢叫Nicolas Marin,呢位中場球員效力過色當、聖伊天、巴斯蒂亞等法國著名球會,亦去過瑞士、希臘落班,但佢都估唔到佢職業足球員生涯最後一站會係新喀裡多尼亞度過。

根據sofoot.com專訪,佢係咁講...

''我在US Boulogne度過了一個複雜的賽季,在那裡我很長時間在養傷。這些都是發生了的事情,就像那樣,我認為更多的事情結束了我的職業生涯。有一天,我收到了新喀裡多尼亞最好的球會AS Magenta總裁Michel Messeaud的電話,他有一所離馬賽不遠的房子。他曾提議我在2017年初來新喀裡多尼亞,他讓我思考。在2016年底,我接受了邀請。我2月中旬抵達努美阿。''

''我在那裡完全沒有薪水,但我有一間公寓,一輛車,他們支付了餐食費。AS Magenta是業餘球會,他們資金很少,有獎金,所有球員都在隔壁工作或是學生,也許有些人每月有200歐元,還有更多。''

''AS Magenta是新喀裡多尼亞最好的球會。總裁和教練,以及球會的所有人,都做了很大的工作。新喀裡多尼亞超級聯賽是一個業餘錦標賽,結構非常適中,我不知道新喀裡多尼亞足球是否真的缺錢,這裡有優秀的球員,但我馬上就明白他們從未接受過正統培訓,從戰術上講,他們有很大差距。'

參考:
NICOLAS MARIN : « LA NOUVELLE-CALÉDONIE, MA PLUS BELLE EXPÉRIENCE HUMAINE »

廣告