立即捐款
ads

伍麒匡

香港土生土長的人,就讀於嶺南大學文化研究系。關心社會,熱衷於研究各樣文化及現象,熱愛研究韓國文化。 網誌

政經

狗仗人勢、卑鄙無耻:請鄭國漢搞清楚,究竟係邊個令嶺南大學蒙羞!

狗仗人勢、卑鄙無耻:請鄭國漢搞清楚,究竟係邊個令嶺南大學蒙羞!
廣告

廣告

本身都唔想再因為呢個土共嘍囉、傀儡校長再說三道四,但係見到佢特登send email 俾應屆畢業生個陣,真係火都嚟埋。

你自己都識講,大學係崇尚學術自由同言論自由嘅地方。但係你咁樣發公開信譴責學生嘅行為,同公開批鬥有咩分別?學生多次想向你哋班權貴表達聲音,你哋視而不見,仲對學生喊打喊殺。而家畢業啦,仲有守護香港、守護言論自由嘅心嘅畢業生,喺直接見到林鄭嘅地方發聲,佢哋只係履行緊應有嘅公民權益,仲有言論自由。你不但肆意阻止,仲要話人哋嘅行為令人蒙羞。呢啲係乜嘢道理?你何嘗有尊重過言論自由同學術自由?

你何嘗唔係利用畢業禮,粗鄙批鬥美帝擦北京鞋?嘩,擦北京鞋嗰陣你就口舌便給,鸚鵡學舌咁歌頌,一講關於畢業生嘅前途問題就語焉不詳。你發表講辭,理應祝福畢業生前程錦鏽,為社會作出努力。點知你份稿對呢部份輕描淡寫,有大篇篇幅都喺度煽動學生支持中共,反抗美帝嘅什麼「粗暴行為」,我夠覺得你啲言辭好暴力,仲要好唔尊重在場嘅學生同家長。究竟你上台係為祝福學生,定係為政治獻媚?你自己心照啦。

請你認清事實,根本係你令到學校一年比一年變得封閉羞恥。利用不公正選舉攞校長呢個位不在話下,仲要同港共政府朋比為奸,肆意箝制學生嘅自由同權利,對政府委任土共份子做校董完全鵪鶉,唔睇唔知以為你代表共產黨喺度管治大學。究竟邊個令到嶺南大學蒙上紅色污點?究竟邊個令到大學蒙羞?

「為真小人爭取社會地位,不讓偽君子們霸佔全世界。」——黃霑

廣告