立即捐款

國際

唔怕生壞命 至怕改錯名

唔怕生壞命 至怕改錯名
廣告

廣告

華為太子女中伏(100%係中伏,中國走私大王賴昌星匿埋加拿大幾年中國都引渡唔到), 嗰啲所謂專家紛紛跳出嚟評論,真係冇料扮四條。

我三歲就識紫微斗數、四歲精通鐵板神算、依家五行八卦奇門遁甲掌相全相無所不曉……姓名學更加食菜咁食。

任正非個女孟晚舟奶嘢,完全因為改錯名。

首先,姓任嘅大家識得邊個?
任賢齊任志剛任達華任劍輝?
大家都忘記咗佢哋嘅祖先……任我行。

任我行練嘅係乜?
咪係吸星大法囉!

佢祖先吸嘅當然唔係星條旗(即係花旗銀行嗰支花旗)啲星,而係五星紅旗嗰五粒星,已經先天犯大錯,加上佢改個名正言若反九唔搭八,所謂正反、是非,係兩個相反極端,只有人話「正是……」,從來冇人會話正非,佢叫任正非,結局係正負得負,好簡單。

佢個女仲弊,晚舟即係夜船,通常喺澳門輸瓜咗先至會搭夜船。

歌仔都有得唱( 關正傑漁舟晚唱):
「 紅日照海上
清風晚轉涼
無奈我不知方向
終於也歸航……」

即係本來好地地,最後一片日落西山淒涼景象。

有仔女千祈唔好叫晚舟,叫早機就差唔多。

廣告