立即捐款

體育

6:36?足球係統計比賽嗎?

6:36?足球係統計比賽嗎?
廣告

廣告

1. 眾所周知,曼聯今季首16週的比賽,只係值15分左右,但卻取了26分。一隊15分的中下游,作客幾十年來聯賽開局最好成績的榜首球隊,自然係要死守等反撃。

2. 開賽頭20分鐘,如果稍一不慎,曼聯已可輸3-4球。但摩連奴成功 weather the storm。要非文尼週中對拿玻里刻意糟塌三個必入的黃金機會,儲蓄了一些運氣,能否打破悶局也成疑問。

3. 落後了的曼聯並沒有搶繮強行進攻,因為他們知道輸了第一球後的5-10分鐘,如果一旦太心急,係利物浦最有機會拋離的。於是勁有耐性咁等到上半場唯一機會,盧卡古亦不負眾望,交出一個高難度的助攻——如果佢選擇 cutback,99%都不會變成入球,直射則會炒飛機,只有目前的做法,才會造就入球。

4. 連加特的 sucker punch,令利物浦中場走進更衣室時,感覺係輸緊三球咁。摩帥沒有自滿,而是要全取3分,提早換入費蘭尼。Dalot 只係負責消秏對方體力,拎左黃牌便功成身退。

5. 下半場除了費蘭尼的黃金機會,被羅拔臣僅僅解圍,長時間雙方是膠著的,紅軍並沒有任何 clear cut chance。最後沙基利只係射中對手改變方向,死好命。要非射中人,迪基亞肯定救到,補時階段又係曼聯反制的 prime time 了。

6. 但要讚高普,因為下半場基本上係冇 concede 到太多死球俾對方,相反摩連奴換入馬詩雅和馬達,而不是球王普巴,明顯是感情用事。

7. 摩連奴的第一年係拎左曼聯自1878年成立以來第一個歐霸盃。第二年更勁,拎左聯賽亞軍——我個人相信會係未來200年曼聯的最高聯賽排名。

第三季,面對普巴和經理人無風起浪,活華特拒絕收購中堅,仍然可以做到「蔗渣人腳,燒鵝成績」的足球,多次 narrow escape ,絕對不是僥倖,而是技術質量甚強的 overachievement。但既然不受球迷賞識,倒不如盡快離開了。

替補人選,除了加利仔外,囂屎近日賦閒在家,既係 legend,又曾執教多間英超球會,仲教過曼城,絕對係知己知彼,護級經驗豐富,非常適合。

8. 利物浦死好運,雖然永遠不會奪得英超冠軍已是球迷常識,但最強對手阿仙奴輸波,落後11分。修咸頓換領隊即贏,目前相距曼聯14分,赫德斯菲對紐記表現亦佳,下半季兩隊若能提升,只要摩帥肯離隊,護級形勢或有變數。

廣告