立即捐款
ads

媒體

【Fact check】老母追仔數?追佢老母數就差不多

【Fact check】老母追仔數?追佢老母數就差不多
廣告

廣告

有關「海航追港航數」建議大家花幾分鐘睇下明報昨日篇文,最好叫埋朋友睇。(海航向香港快運董事長追數 涉8.5億)。但我知好多人都唔會睇,救得一個得一個啦。篇文我朋友有份寫,你覺得我係打手嘅,隨便。

當日我見Facebook呀新聞組呀whatsapp呀,都係話阿媽追個仔數,海航追香港航空數。個別傳媒都係咁講。唔止呢度兩間,陣間又話找針對熱....血時報。立場都係寫「海航入稟高院追討香港航空8.5億」。有啲唔係咁寫但你啲天才網友都照當係「阿媽追個仔數」。但,真的嗎?

海航(枱面上,因為仲有啲股東公司唔知咩背景)只係渣住香港航空27%股權,係最大(枱面上),但係咪叫阿媽,都仲可以討論。但姑且當係先。

其實,大家識中文架可?追數嘅係海航無誤,但入稟狀寫「香港航空咨詢服務公司」。定你以為「香港航空咨詢服務公司」就係「香港航空」?咁Oxford Brookes 就係 Oxford,陳瑞祺(喇沙)就係喇沙,簡尼沙利斯就係簡尼(定沙利斯),蒙哥馬利就係蒙哥(定馬利?)

「香港航空咨詢服務」,唯一嘅股東,就係鍾國頌。鍾國頌乜水,明報篇文有講,不再重覆。換言之,間公司即係佢本人(當然實際上有啲唔同,間嘢係有限公司,你追數只能清間公司盤,個人唔會上身)。亦即係,海航向佢(嘅公司)追數。

咁,海航向某(可能已經唔再係)高層(間公司)追數,同海航向香港航空追數,應該爭好Q遠下話?你計我話呢,「掉轉就差不多」,追佢老母數啦,買埋咁多金融產品(當然係唔會發生)。

容許我好肉麻又好趕客咁講句,所以咁多年我都係睇明報。但重點不在此,重點係,點解fake news 咁多人傳?反而 真相唔會有人理?

無數咁多研究做過,fake news傳播速度 同 reach,多過真實故事好多倍。原因好簡單:因為現實殘酷,又悶。fake news好似雞咁(諗唔到第個比喻),度身訂造,任你玩乜都得。

真喎,老母追仔數梗係juicy.真相嘅"海航向香港快運董事長追數",悶死人咩。而事實證明啲廣大讀者(唔只香港)都係鍾意華麗嘅假故事,唔係貧乏嘅真實。

你睇到呢度嘅,比個奬你。其實咩回事?我估九成都係阿頭死咗,內部權鬥。呢方面蘋果個故事有講(創辦人死後疑爆權鬥 海航追港航前董事8.5億)。近排啲咩債券呀水緊呀,我估都係。

所以,吾友 利世民 花生認為佢過唔到三月。我就好有信心港航可以繼續飛,又睇下點。而我機票都買埋,絶對有skin in the game.

作者 Facebook Page

廣告