立即捐款

政經

荒謬加白痴的派錢方式

荒謬加白痴的派錢方式
廣告

廣告

從這次派四千蚊的行情發展,我有理由相信,因應財政預算有大大的盈餘,陳茂波想得到些民望,所以就同建制派商量派錢,大家記唔記得,最早放聲氣派錢係工聯會,之後,陳茂波就真係接到個波,跟住就想學鬍鬚曾的派法,快靚正。

點知,同林鄭商量時,林鄭就成個彈起,基於憲制責任,林鄭無權干預財政司的做法,但自己又在特首選舉時批評過鬍鬚曾當年派錢是不智。這樣又怎可能再跟,因此,就想和陳茂波商量了什麼智慧形理財,「理財新哲學」。

甩轆情況一次又一次的出現,當我看到這樣派錢法,我真係無話可說,你可以用陰謀去想,這個我覺得誇大左佢地的智慧,看過整個程序,我只能用白痴來形容,由於今天的庸官用「I always agree my Boss 」的想法,一定要頂住個雞頭,但我又預測到,一定係衰收尾。

首先最白痴就係住址證明,看到這一點,就證明香港好多做官的真係離曬地,剛好認識一些主婦就為了住址證明頭都抓爛,最好笑就係聯名都唔得,老實講,香港大部份的家庭都會以男人做所謂主人,就算我兒和女兒最初開電話都係用我個名,這個情況香港是極之普遍,延伸到今天,也和我差不多。後來,很多婦女就到過幾間銀行問過,而家開本紅簿仔是非常之困難,這些師奶叫佢比年費勢係假,終於都搵到銀行開戶口就來第一張住址證明,到今天又話不需要。

第二就係叫人填好表郵寄,這個做法又係不吃人間煙火,更有違「關愛」這兩個字,因為,正正常常當然無問題,但那些老人家,又或者不想用郵票,那怎樣辦呢?我覺得,今天改為用收集箱都不是正確,但無奈總好過叫人郵寄,訊息的關係,還見到有些長者還是排隊買郵票寄表格。

不過,話分轉頭,可能林鄭真係擔心香港無論是建制派和民主派的政黨得閒得濟,就比機會他們做下野,事實上,在我住的屋邨附近的政黨辦事處,差不多全部都係做緊呢件事。

林鄭呢條婆娘,真係同我當年一些舊同學一樣,目中無人,以為讀兩個錢書,今天成為習家班,目中無人,難聽的就是話之你死,佢有佢返屋企,香港人有呢個婆娘做特首,真係港人之福

廣告