立即捐款

生活

伸起劇之蝗

伸起劇之蝗
廣告

廣告

我將呢五個九唔搭八嘅字炒埋一碟,就係學周星馳。

(內含劇透,不過唔使驚,套戲冇劇可透)

如果唔係周星馳,我都唔會響網上訂105蚊一張飛入場。

就好似初中有個好搞笑嘅同學,去親露營開party都一齊,畢業後佢返咗大陸 ,發咗達多年冇見,過年返嚟約番舊同學聚舊,好多人都唔賞面,不過我比較念舊情....

成套戲冇乜特別,簡單講就係周星馳作品大回顧,最好 嗰部分反而係陳百強同林子祥嘅舊歌,蕭若元話身家幾十億嘅星爺已經脫離群眾,講啱咗一半。

佢脫離嘅只係香港群眾,而家植根中國群眾。

我睇嘅係農夫配音版,一開場嗰幕大陸撞車,路人甲話「打999啦!」而唔係打112,出現嘅係一部大陸救護車,感覺怪怪地。(題外話,以前舊式轉盤電話,打999的確唔得科學,個轉盤一來一回要成六秒,要救命打112快好多)

不過當主角話「 手機嘅A-P-P...」,我就當堂打冷震,香港人只會講apps, 只有大陸人先至會將APP用三個字母讀出嚟,既然配廣東話,何必迎合大陸人?

呢一百零五蚊,當畀咗封老毛嗰個舊同學。

廣告