唔少人問：「而家你哋點收到case架？」
無辦事處、無廣告費、無街板，打工仔點知香港有個勞工組？啲case邊度嚟？
其實多年來，阿英、Billy、我都係留私人手提電話俾街坊，無乜off hour既明確界線。電話號碼甚至會經過人與人的介紹，傳到完全不認識的人手上。
曾經半夜三更收過打工仔求助，講錯組織名，亦up錯我個名，傾咗成半粒鐘，答咗佢既疑問，傾埋點跟進，才終於正式介紹自己。
勞工組係唔需要擔心無case上門，目前情況比較係擔心唔夠人跟，因為成員都是各行各業打工仔，時間有限，況且我們不是只答查詢，還經常轉化成追討行動、街站，與工友一同籌劃，所需時間心力自然更多。
咁，最近啲cases即係點識呢？
L先生，某天勞工組喺勞審處樓下擺站，佢剛巧接過單張，直至一次聆訊失利，想起單張上寫著「一方有難、八方支援」，就致電給我。
T先生，某天在中環路經上述L先生的追討街站，他是廚師，剛好看到橫額上面有「香港廚師聯盟」，就停低同細輝講咗幾句。
還有更多緣份，成員或友好轉介的新cases、久別重逢又有新鮮事既舊cases，並肩作戰的人越多，士氣會越好。
勞工組阿花