立即捐款
ads

媒體

蘋果退出免費輿論陣地,點算?

蘋果退出免費輿論陣地,點算?
廣告

廣告

題為編輯所擬。

1. 蘋果行訂閱,係走投無路之下犧牲 hitrate 去搏命嘅做法,勢在必行。

但蘋果退出免費輿論陣地,對香港社會嘅效果值得關注。蘋果正式收費後,會唔會有大班市民被啲扮中立嘅傳媒吸納晒,令蘋果冇辦法再好似以往咁,每逢大議題時發揮起牽頭反抗嘅作用?

喺香港,我諗只得蘋果會咁直接叫人出嚟遊行,今次428反逃犯修訂,蘋果日日出盡奶力push,又做咗無數咁多個專題講內地司法有幾黑暗,無論直接、間接都好,相信都令最終走出嚟嘅人多咗。以後呢個效果相信唔多唔少都會弱咗。

2. 端靠訂閱制翻身,捱過咗兩年,算得上係個成功嘅 model。但蘋果明顯好難照板煮碗,除非有日縮成蚊型傳媒。不過李志德講喺訪問度嘅幾句話,雖然我冇寫喺文,但都幾值得記低:

- 你不能只做這三萬人已經很喜歡看的東西,你要探索他們的邊界......我們試試看你想不想看這個,試試看你想不想看那個,這個對話越豐富,越多元,你的會員跟你的互動就會越好。

- 千萬不能單單被讀者的喜好牽著走,否則的話,我的感覺你的下場會比做廣告還要慘。

3. 初頭我都覺得如果蘋果靠「安心」呢啲新聞吸讀者會死硬,但睇完 reuters institute 嘅市場調查,感覺又唔係咁絕望。

香港市場特色係啲人特別重視娛樂新聞,啲人無論揀 Yahoo、TVB定蘋果,最多人揀嘅原因都係為咗娛樂(當中蘋果最突出,有成5成6人話佢娛樂做得好)。其他歐美國家明顯情況好唔同,好多地方嘅人揀傳媒都係以Accurate and reliable news為最大原因(以美國Fox news為例,超過49%觀眾都話佢Accurate and reliable,雖然實際上可能唔係)

4. 其實 NYT 都有跟「安心」,不過著眼點當然唔係偷情

好多人都將蘋果同 NYT 比,但實際上本身兩者嘅基礎讀者都好唔同,蘋果明顯草根啲、大眾化啲。而環顧全球,大概都冇咩邊間咁大眾化嘅新聞傳媒會行訂閱呢條路,所以蘋果行嘅註定係新路。喺香港咁嘅環境要成功,絕對係難,但唔係冇希望。

(1) Reuters Institute Digital News Report 2017
(2) 20190419 Pop Star’s Illicit Kiss Becomes Fodder for Government Ads in Hong Kong, New York Times

190422 【港聞專題】收費網媒大翻身 資訊有價 靠會員忠誠
190429 【訂閱新趨勢】守護《蘋果》靠你支持!行政總裁:我哋會守住核心價值

廣告