（獨媒特約報導）南區區議會今日因法定人數不足流會，不能討論反送中動議。區議員任葆琳於下午2時46分到達議會，遲到1分鐘。記者問及遲到原因，任葆琳表示「遲到可以有好多原因」，指自己要處理區內事務而稍遲，但強調願意開會，「如果我係要唔嚟，我係唔需要46分到。」
對於建制派是否故意造成流會，任指「嘩，我喺佢門罅偷聽呀？我點知呀？我唔知你點知，我就唔知喇。」她又指，即使自己來到，也不夠法定人數。她表示不想在會上討論這些議題，不過如果主席作了決定，就會跟從，「個權擺喺佢手，就要尊重。」
任葆琳又指，「我作為一位女性」，懷著被攻擊的心情來開會。她指有留意律政司司長鄭若驊早前於律政中心被圍堵的新聞，擔心有議會暴力，但仍堅持來開會，「希望市民看清楚法治係毀喺邊個手上」。她對被歸類為建制派感「非常無辜」，「我都想有人出嚟遊行幫我發聲」。任接受訪問期間，在場的香港眾志秘書長黃之鋒問及任葆琳對修訂《逃犯條例》的立場，任葆琳回應：「請問你係用咩身分問我？」
記者：湯璧瑜