（獨媒特約報導）警方於多次清場行動被指使用過期催淚彈，記者連日來於警方例行記者會上追問警方是否曾使用過期催淚彈，並要求交代武器的殺傷力，惟警方未有正面回應。四名行動組總警司及高級警司今日皆對疑問表示「手頭上冇資料」。
記者追問何時才能正式交代有否曾使用過期催淚彈，並促警方訂立「死線」，承諾以後不會使用過期武器。港島總區高級警司（行動）吳樂俊僅回應指「PPRB（警察公共關係科）已經清楚交代」，又指「唔好意思，我手頭上冇呢個數據」，「唔知之前有冇用，真係唔清楚」。他稱警隊未來將作調查，在每一次武力使用前的安排，但拒絕承諾未來不會用過期催淚彈。記者質疑警方拒絕作出承諾，是否等同默認曾使用，吳反問「係咪過期就等於失效呢？就對人體有害呢？」，又形容自己並非「彈藥專家」，未能詳盡解說，記者促「不如你搵個彈藥專家出嚟開記招啦」。
（資料圖片）
至於8月5日北角衝突當晚，警方指有示威者包圍警署，故未能及時作出支援，記者促警方提供證據證明當晚有人包圍警署。吳樂俊指打鬥來得突發，稱「唔想評論細節上、時間上發生咗咩事」。記者反問「點解你作為港島總區（警司）都答唔到」，吳回應「我有問同事，有同事係咁講」，著記者著眼於同晚各區發生的衝突，強調警力調配面對很大困難。
記者：湯璧瑜