（獨媒特約報導）反送中運動持續兩個多月，全國政協常委、星島新聞集團主席何柱國接受《無綫新聞》節目《講清講楚》時稱，運動由美國和台灣所操控，意圖奪取中共政權。他表示，運動「大台一定存在，啲人蒙蒙查」，形容示威者是遭邪教洗腦。他更稱，運動中的物資是億億聲，「諗清楚有冇被人利用！錢係邊個出？呢個係大問題。前面個啲（示威者）係職業，有錢收，你呢啲茄呢啡，（被捕）唔抵囉，俾人利用。（物資）億億聲嫁，唔係少錢。」
反送中運動至今已拘捕超過900人，何柱國稱香港是法治社會，「犯法咪要拉你囉」，認為政府已正面回應五大訴求，「撤回？咪話壽終正寢囉，暴動定性？係特朗普話暴動。獨立調查？監警會已經有美國、英國專家分析，又回應咗。」
何柱國認為今次是政治事件，斥美國和台灣以反修例引入話題，最終目的是要革命，即利用香港作中心推翻中國政權，「正常事，唔好睇得咁嚴重，中國由貧窮國家成為第二強國，歐美國家妒忌，各方都搵機會打殘你。」何柱國又「苦口婆心」，希望年輕人不要被人利用，「我哋香港仔嚟，『光復香港，時代革命』唔係香港的口號。」
警太子站無差別毆打市民 何柱國：違法咪拉你囉
警察昨晚進入港鐵太子站列車的車廂，無差別毆打市民，並拘捕40人。何柱國認為，執法便是「兵來將擋，水來土掩」，「違法咪拉你囉，有禁制令呀嘛，市民遭黑衫人噴滅火筒，又非禮同搶電話，咪入去捉囉，仲黑衫變白衫，警察執法無問題。」
在2017年行政長官選舉中票投林鄭月娥，何柱國今天續大讚林鄭勤力，工作表現很好，「仍然支持佢，要統一下行會成員唔好似廢柴咁。」
何柱國又透露，曾對林鄭月娥作提醒，表明修例的後果很大，會令香港成為中美兩國的磨心。「利用香港作磨心反大陸，我係等黎智英咩時候出嚟講，證明我諗法係奪權問題，不是修例問題。」他又認為黎智英「玩政治」的手法很高明。
對於《緊急法》立法，何柱國表示，按照現行法律並不需要，「政府唔好發夢，部門同局長要同心合力，資料俾人放哂上網，私隱專員咪警告facebook和google囉，唔好縮頭縮腦。」