（獨媒特約報導）在武漢肺炎肆虐下，市民的餘暇活動亦由市區移師至離島。離中環一小時船程的長洲頓成郊游熱點，擠滿前來踩單車、行山的遊客，街道出現「人車爭路」的情況。更有人趁著到離島「鬆一鬆」的機會，與居民同搶廁紙等日用品，令不少街坊甚為困擾，怒斥遊客行為自私。面對「無罩」遊客迫爆長洲避疫變播毒，有街坊表示只好減少外出，又笑指疫症下的長洲街頭形成一道「奇怪的風景」，「佢哋覺得長洲好似無病毒，除曬口罩周街走，但街坊就戴曬口罩排隊買消毒液，搞到我以為活係平行時空，個對比都幾搞笑。」
遊客「無口罩」兼搶物資惹民憤 街坊：「可唔可以放過長洲人？」
在過去一星期，本網記者觀察長洲的人流，發現平日仍有不少香港遊客前來，平日及周末的人流均倍增。主要街道海傍街及大新街擠滿遊客及單車，出現人車爭路的情況，緊急車輛亦無法順利通行。記者亦發現，雖有部分遊客「自律」戴上口罩，但仍有不少「無罩」或未正確戴上口罩的遊客，露出鼻子或將口罩扯到下巴，更引起長洲居民於社交平台上傳無戴口罩者的相片，發文怒轟他們「避疫變播毒」。
假日長洲街頭人潮如鯽，不時出現人車爭路的情況，緊急車輛亦無法順利通行。
於長洲土生土長、22歲的張小姐認為，原本疫情對長洲影響不大，起初島上未有出現物資短缺的情況，大陸遊客亦明顯減少。但每到假日，香港遊客就會擠滿長洲，令她和家人甚為困擾，「衛生署都叫人唔好出街，仲入嚟玩做乜？」張小姐平日於島上外出亦會戴上口罩，她指自香港確診數字上升，不少街坊的防疫意識有所提高，外出均戴上口罩，甚至有街坊貼出告示，提醒曾到內地的遊客需注意個人衛生。不過，張小姐發現不少遊客仍疏於防範：「我見到好多香港人入到嚟連口罩都唔戴，又同我哋爭紙巾、消毒液，你哋買曬咁長洲人用乜？」。她直斥這種行為十分自私，反問遊客「可唔可以留返啲比我哋，放過長洲人？」她指自己現時會減少外出，儘量一次過購買所需用品，又笑指疫情令長洲街頭有道奇怪的風景，「佢哋覺得長洲好似無病毒咁，除曬口罩周街走，搞到我都唔想出街。但街坊就戴曬口罩排隊買消毒液，搞到我以為活係平行時空，個對比都幾搞笑。」
不少遊客未有戴上口罩。
居於長洲5年的英國人Stuart指，理解遊客前來避疫，但認為假日街頭遊客太多，而且部分未有戴上口罩。他認為口罩並非能絕對阻隔病毒，「我理解部分人係海邊除低口罩，但在人多的地方應該戴上。」他續指，香港曾經歷沙士一役，政府本應有更好的應對措施，但這次疫情導致市面口罩短缺，長洲亦有不少長者在寒風中排隊搶購口罩，令Stuart感到驚訝，「顯然政府未有汲取教訓，採購（口罩）本應係政府嘅工作。」Stuart亦稱，有聽聞遊客到長洲搶購防疫物資，批評民眾失去理性，亦對政府無力控制疫情感到失望。
Stuart
「無口罩」遊客到長洲踩單車：「香港人大驚小怪，邊到有咁多菌」
張太一家三口「無罩」遊長洲，稱想趁周末到長洲「鬆一鬆」：「離島少人又無車，空氣特別fresh」。張太指，下船後才發現長洲人流比想像中多，但相信仍較市區安全，故全家人均安心除下口罩踩單車。近日遊客倍增，長洲區議員梁國豪及長洲鄉事委員會於碼頭竪立告示牌，呼籲遊客及居民於島上亦須帶上口罩。不過，張先生稱未有察覺到有關告示，又謂「香港人有時都大驚小怪，邊到有咁多菌。」他表示自己帶備了酒精消毒液，相信已足夠防疫。訪問期間，其兒子不時有幾聲咳嗽及打噴嚏，張太解釋：「佢鼻敏感姐，佢身體都好健康，唔好諗太多」，隨即向記者表示：「都係唔好影相啦，一陣又比人公審唔戴口罩，宜家咳兩聲都好似有罪」，然後踩三輪車迅速離去。
20歲的范先生及Karen稱，現時郊游風氣盛行，想趁假日到長洲「掃街食嘢」。范先生指，他預料假日長洲會有不少遊客，但落船後亦發現人流比想像中多。對於衛生署呼籲市民減少聚集，二人表示會做足防疫措施，如戴上口罩，又指「其實出街食飯都有風險嘅，自己會小心啲」，「例如見到人食嘢拉低口罩都會企開啲。」
20歲的范先生及Karen
受疫情影響，長洲太平清醮值理會早前宣佈將取消今年的飄色巡遊及搶包山比賽。佛誕（4月30日）當日只有麒麟及獅子等巡遊，惟人數有限制，大小包山和神功戲等傳統儀式則照常進行。
記者：李珈旻