立即捐款

講到「公職人員行為失當」,有排都未到佢啦?

講到「公職人員行為失當」,有排都未到佢啦?

特首撕裂社會,搞到天怒人怨,咀臉可恥,夠失當未?
特區高官,無所作為,是非不分,摧毁香港,夠失當未?

政務司長玩失蹤、講廢話、唔知做緊乜,夠失當未?
律政司長醜聞一單又一單,檢控亂來,主要工作係公職遊埠,夠失當未?
財政司長,都唔知講乜好,搵隻老鼠睇住缸油,佢點會唔失當?究竟係邊個失當?

保安局長搞到人人感覺唔到安全,個衰樣令人諗起李鵬,夠失當未?
商務及經濟發展局長憑感覺做官,打壓新聞自由,夠失當未?
勞工福利局長話千幾個新工會登記要用五年,夠失當未?
食物及衞生局長連醫務人員嘅裝備都唔能夠保證,夠失當未?
教育局長,頻頻出嚟作反面交材,讓學童知道乜叫擦鞋仔,點樣行蠱惑,夠失當未?
民政事務局長?仲留返個咁嘅位養住佢已經係嚴重嘅行政失當啦!

特區黑警頭目領導黑警越走越黑,夠失當未?
特區黑警唔行咇,一日幾次走去食肆抄食客身分證,夠失當未?
黑警同幫會協作搞出一單721,夠失當未?
黑警做埋恐怖分子嗰份搞出一單831,夠失當未?

失當殘人太多,不能一一盡錄!
民意十分清楚,市民眼光雪亮!
管治團隊連續六個月全部負分,說明了一切!

都無謂逐個數嗰啲建制派奴才啦!
支持政府胡作非為,眼見社會困境撓埋雙手,就係政治攬炒啦!
以「建制」之名不斷破壞香港嘅制度,仲唔係公職人員行為失當?

議會拉布就就係公職人員行為失當?
唔係咁才是縱容這個政府繼續失當!

再者,「政改拉布」又算係乜?
「違背誓辭」?咁「講咗唔算數」又算係乜?

用返港澳辦,中聯辦那兩篇聲明的字眼,下面的說法才更準確:

「北京當局、中聯辦、港澳辦、特區政府,建制奴才為了謀取政治私利卻罔顧公眾利益,用卑劣手法癱瘓香港社會運作,破壞香港社會原來體制,行為無異於政治攬炒。他們的所作所為令人質疑有違憲法及基本法,也有違中英聯合聲明,構成公職人員行為失當。」

「北京當局、中聯辦、港澳辦、特區政府,建制奴才為一己政治私利損害公眾利益,阻礙香港的政制改革,有違趙紫陽曾經向香港年輕人作出過的承諾,有違前港澳辦主任魯平曾經作出的公開聲明,有違基本法的規定,更有可能涉嫌公職人員行為失當。」

干預香港內部事務,中聯辦港澳辦帶頭違反基本法,不符合一國兩制!