（獨媒特約報導）武漢肺炎爆發第三波疫情，政府昨日再收緊防疫措施，包括星期三起禁止食肆全日堂食，連同早前已實施的禁止晚市堂食，變相所有食肆在今晚六時後只准作外賣。在下午約5時，旺角花園街一帶的食肆顧客寥寥可數，有餐廳店主狠批「禁堂食令」對食肆而言是「等死」及「揾我哋墊屍底」；有市民亦指措施「冇用」，促政府封關。
老闆斥政府「應做唔做」找食肆墊屍底
於女人街專賣小食及筋腩飯的羅先生批評政府防疫不力，全面禁堂食只為「揾我哋墊屍底」，「如果你（政府）做足，你都話禁嘅，大家心甘命抵」。他續斥，政府豁免33類人士強制檢疫安排已是錯誤一步，「要做嘅你唔做，要禁堂食你就鬼咁快，你個免檢疫仲要等到禮拜三」。禁令令市民及食肆叫苦連天，有食店更寧願直接關店節省經營成本。被問及有何應對措施，羅先生表示頭一、兩天會先照常營業，「周圍閂哂，諗住睇下可唔可以執死雞」。
食客指收緊措施無對準源頭：最緊要係封關
手持外賣的陳先生則認為「禁堂食令」有一定程度不便，認為政府「唔將源頭封閉，搞到好似係錯在其他行業咁」，並慨嘆「其實都冇咩用囉」。本身從事零售業的陳先生又指，平時可以於店舖裡用膳，但他認為對於一些在戶外從事建造業的工人而言就非常不便。
踏入六時正，兩位學生林先生和陳小姐於朗豪坊一道防煙門前吃麥當勞的「shake shake 薯條」。他們認為禁堂食措施是可接受範圍內，「因為係學生，可能都係一時出嚟行街食下飯」。他們亦認為禁令對於某些行業影響甚大，又強調最為重要都是封關。