立即捐款

任重道遠的公務員:特區靠你哋啦!

任重道遠的公務員:特區靠你哋啦!

《公僕私僕都是僕》
唯有委身任差遣,否則月尾咪出糧。
行政精英成跑腿,公務人員要戥場。
皇家飯變大鑊飯,墳頭香當返魂香。
任重道遠撐今上,捐精獻血扮街坊。

做公務員,據說以後要「絕對忠誠」於特首!
無論那特首有幾乞人憎、有幾差、有幾廢,都冇得揀!
鬼叫你食皇糧?食君之祿,就乜都啃得落!

做公務員,還要對政府的邪惡視而不見,講吓都唔得!
還要跟足上級指示,叫你做狗就做狗,叫你走你就要走!

可能以後加多項:做公務員都要幫政府孭數!

叫你們捐血就要献血,要你們捐精就要捐精!
要做全民基因測試,唔怕冇數交,因為有公務員!

以後可能更加要去沙灘執垃圾;
要去機場搖旗仔吶喊,迎接國家領導人;
要去扮街坊,俾國家領導人及官員探訪;
仲要捧起習語録或者基本法扮認真學習,
姿勢正確嘅有可能被選中放上政府新聞處或者香港年報;
還要出席春節聯歡晚會扮阿四,「睇吓市民反應熱烈」!

今天的特區政府,就是要把公務員家奴化,十八萬人都要家臣,唔係,係家奴!
做得公務員,就要放棄自己嘅獨立人格及自由意志!
總之老細叫你做乜,你就只能堅定不移,毫不猶豫,絕無質疑!

真的要為公務員打打氣。
你們辛苦了,也可能委屈你們了。可能以後有排你們受!

我相信公務員系統中,應該沒有任何職系如警隊一般整體地變黑。
仍然相信公務員隊伍中本着良知服務市民,與香港人同脈搏的仍然佔多數。
正因如此,我相信很多公務員對政府這一種作為都是有意見的。

只希望你們都謹守崗位,不要在自己的專業標準作妥協!
也希望你們以香港人的整體福祉為念,民心常在你們心。
也希望香港人與所有盡忠職守的公務員同脈搏、同盼望!

公務員任重道遠!