（獨媒報導）來自上海的中大政治與行政學系助理教授李薇，早前執走路邊先人祭品作煮食，她接受獨媒訪問時，承認言論出位只為搏續約。李薇批評，學生道聽途說反《國安法》，政政系內的學生對其評擊更缺乏根據，更指有中大學生消費吳傲雪一事以達到政治目的。
政府早前就港區國安法立法，李薇在9月6日留言反對系內學生擺街站反對《港區國安法》，批評學生6月時反對國安法行動「无济于事，浪费青春，缩短寿命」，又建議同學「不如先观察，做些研究」，不少學生回覆批評她未有從港人身份去理解事件。
轟學生不認識政策 只睇 social media、TVB
李薇對記者表示，自己熟習政策研究：「我做咗咁多年研究、都publish 咗3篇好好嘅文，睇咗好多書。我唔係標榜我識曬，每個範疇都有專家，但我比學生知多啲。」她批評學生論點只基於「睇social media、TVB或者中學教科書、好多野都道聽途說」，質疑學生「睇過幾多呢？有幾多係你地真係生活過、研究過呢？」。
但李薇強調，自己「愛錫你地（學生），但唔可以淨係鬧，鬧得多唔可以改變問題。」她續指，自己沒有研究近期的社會運動，但認為「『佔領中大』影響我嘅工作、校園都爛曬」，不理解學生為何支持這種表態方式：「唔可以話唔同你（政府）講喇，我就掟汽油彈、去移民，你咁樣改變唔到（社會）。」
李薇出生於上海，在復旦大學完成學士及碩士學位，之後於上海建設交通黨委學校任職期刊編輯。2008年到香港大學攻讀博士學位，師承前港大社會科學院院長卜約翰（John Burns），畢業後先後在港大及中大擔任研究助理，來港已有13年。
自2014年起，李薇成為中大政政系助理教授，主要研究公共行政管理、政策改革等領域，今個學期任教「Government Reforms 政府改革」一科，主要任教高年級學生。
斥學生消費吳傲雪
在訪問中，李薇語不驚人死不休，斥有中大學生消費吳傲雪遭受警員性暴力一事：「Facebook 咁多人幻想，將個女仔嘅 case 拎出嚟去證明佢地觀點正確，甚至有人有政治目的，想換取選票。可能個女仔覺得自己犧牲下自己私隱，誇張佢嘅 experience，我好同情佢。」
李薇又指，自己曾在吳傲雪的社交媒體留言，指可為對方引薦工作，但其他留言的學生卻未能提供實際支援，更建議學生「你地唔好再消費個女仔，唔好俾啲人利用，先要讀好書，唔好令自己變成個 victim。」
指控學生批評用字不當 反駁學生是「教授的責任」
李薇表示，學生對自己批評缺乏根據，言語用字亦不適當，所以才會作反擊。她又形容，自己回覆學生是在將覺得正確的事告訴同學，覺得「呢個係教授嘅責任，如果我唔分享，我唔係做緊老師。」
但記者翻查她於社交媒體的發言，發現大多言辭粗鄙，包括批評學生「政治化 上纲上线，香港富裕同胞应该节省粮食给香港扫街贫穷婆婆吃，这就是中央支持的政策啊，你不支持啊？那你就是资本家帮凶」、「水果也好吃，哈哈:smile:我开心关你屁事」等。當學生停止與她爭論時，李薇更主動引戰：「居然一周沒人回复，太冷清了，來幫你們頂個貼吧」。
除了在社交媒體言論出位外，不同的系內人士均向獨媒表示，李薇劣跡斑斑，不但在課堂批評其他教授，更與其他教職員交惡。
授課時批評系主任不開班 為續約「搏刷CV」
有今個學期旁聽李薇課堂的學生對獨媒指，李薇在課堂上曾指名道姓批評系主任盧永鴻，指他未有在1年內開辦3班本科生課程，覺得校方聘請不開班的老師是「濫用公帑、對學生不負責任」。她更以自己一年開3個課程做對比，指自己勤力及已盡了責任。該同學認為，李薇的做法唐突：「好似想同學生講自己幾值得 tenure 咁」。
有中大校內人士對獨媒指，李薇過去行為瘋癲誇張，曾因工作關係大罵高層，「佢癲到上至高層啲 Faculty Dean （社會科學院院長），下至普通行政人員都鬧過，喺咁屌人唔幫佢做野，試過喺 Department 鬧到職員喊，間接迫到佢地要避走去另一間 Office 做野」。
該名知情人士續指，李薇今年為續約一直「搏刷CV」，「佢有喺咁搵唔同教師同職員幫手搞 Seminar（研討會），如果搞得多變相 CV 會靚啲，續約機會大啲」。今年李薇仍未能舉辦研討會，「唔知係咪因為咁令佢喺 Facebook 上胡言亂語，搏出位」。
李薇：我唔單止想續約，仲想做「full professor」
李薇回應稱，「可能有關，我話俾你聽我唔單止想續約，仲想做full professor，仲可能從政，我都未知。」李薇又表示，Facebook 的平台有助她接觸社會及引起大眾對相關議題關注，指於平台發言「幫到我嘅CV」、「（踴躍發言）係為自己利益、為家庭利益，但都係從其他人利益出發。」她又指「呢幾年睇到香港太亂，就會想改變，自己唔企出黎，就對唔住自己學嘅野。」
獨媒曾向中大及政政系查詢，校方有否收到關於李薇的投訴及其續約情況。中大回應指，不會就個別教職員的情況作評論，對教職員的投訴，則有既定程序處理；政政系則在截稿前未有回覆。