在出文前，想了很久是否應該再寫，不同人都出過，都是向未期癌症，醫返都嘥藥費既正苦講兩句佢地唔理既事，可是朋友圈內的足球從業員陷入了接近窮途末路，沒有理由讓他們自然死亡！
足球是基本生存需要
這數天，陳曉明教練與梁冠聰先後在社交媒體撰文，道出香港足球行業的苦況。朋友圈中，無論是A牌教練、前香港隊隊長、職業足球員、評述員、足球行政人員、守門員教練、草根足球教練、從小認識一直沒有放棄足球，工餘兼職的教練，全部都像其餘的香港人一樣，深受疫情影響，而正苦的佛系措施，令足球從業員到一個水深火熱的地步。很多人或許見到出文後，又會留言數十，很多人都慘、大家都慘，除左足球，仲有好多運動都慘。頂你，我鍾意足球，足球係全球最受歡迎運動，是香港從業人數最多的體育產業，我都靠足球開飯，咁可以為香港足球從業員出得聲味呀仆街！
陳曉明教練的撰文中，引用馬斯洛需求層次理論(Maslow's hierarchy of needs)，說明香港足球現況。現在先簡述何謂馬斯洛需求層次理論，他的學說將人的需要分為五層，由基本的生理需求（physiological needs），逐步到頂層的自我實現需求（need for self-actualization）。陳曉明教練認為踢足球在現時疫情下的香港，是自我實現需求，正苦要滿足市民的生理需求，封場是理所當然。陳SIR，在其他人來說，足球或許是高層次需求，可是對你以及其他教練來說，足球是讓你們滿足生理需求的唯一謀生工具，為何不可替自己爭取？難道因為人道與生活意義，社工不需出糧？教師不需要開飯？醫生不需要收診金？花農可以與正苦對話爭取，然後重開花市，為何足球員與教練不可以？唔通你與其他球員真係好恰啲？
足球係搵命搏
或許陳曉明的專業資格取得太久，忘記了當初的辛酸，又或他與香港球員都不是賣小強的人，從來都是逆來順受，忽略了足球員的付出與犧牲！陳曉明當初放棄了教師這份穩定職業，進入了搵朝唔得晚的香港球圈。陳婉婷中大畢業後，不理家人反對，最初月賺$6000過日子，陳偉豪在2007年若轉行做地產，這13年所搵的錢，遠較他當球員多。這些有名有姓的足球從業人員，在生命黃金時代，押上個人前途投身足球行業，還有其他名氣稍遜的教練與導師，一直在背後默默工作。坐慣寫字樓的正苦人員，你明白他們的付出嗎？足球不是波牛，是一門專業，包含運動心理學、營養學、管理學以及財務學的產業。不要說學士、碩士與博士學位才是專業，香港一位A牌教練，也花費巨額才能完成課程，而且連一蚊資助也沒有，很多A牌教練是節衣縮食才能報考，而且錯過考試，可能久等多年才能再考，以丘建威為例，他就是因為工作關係，等了16年才能遷就時間考取A牌。他們不是777在抗疫期間所說的「所謂專家」，是行業的精英，投放了一生青春，貢獻香港足球。
別當球員紈絝子弟
香港當足球員並不是去少兩次日本就可以買樓，也不是踢第一年波可以攤大手板取得54億，第二年有人再借16億比你，然後唔駛計息慢慢還的二世祖。香港當教練的困難，並不足為外人道。每星期面對場地的安排已是舉世無雙的難題，同炒場黨爭場，並不是可以讓你想了一年後，回答班主拆件外判的紈絝子弟。
香港當運動員折墮，當足球員更加折墮。足球沒有成績，往往是最受人批評的體育項目。過去十二年，香港隊兩度打入東亞足球錦標賽決賽週，東亞運取得金牌，2018年世界盃外圍賽打出自「519」以後，最佳成績的一屆。2019年亞洲盃外圍賽最後一輪才出局。這些成績，仍不足以重返體院成為精英運動員項目，頂你，香港球員真係好恰啲？
是時候團結發聲
這次撰文後，又會有人話我好激進、又鬧正苦………下刪一萬字。係呀，我又好激進，話我啲人，喺球圈撈幾十年，有無出過聲？好似你咁溫和，啲球員係咪有飯開呀？係咪有波踢呀？而家啲肺炎菌係球員攪出黎？有無確診者來自足球員或者球比賽呀？當初肯封關，今日未必咁折墮。醫護罷工，班奶共保皇黨又劏又殺又炒又恐嚇，啲跳舞群組慶回歸你班賤人累街坊你地唔出聲，食左啞藥呀！日本夠多人確診，人地一樣攪運動。疫情控制好啲，球迷舊年10月本來有得睇陳七同陳偉豪告別賽，而家睇條鐵！兩個東亞運金牌功臣，喺大球場既最高榮譽告別，白白無左。頂你，香港球員真係好恰啲？
足總主席貝生都出埋聲話有問題，做多步約埋啲教練、球員一齊發吓聲得唔得呀？一齊去正苦度嘈下得唔得呀！而家個正苦唔X唔鬆化，係呀，我寫緊粗口，講緊粗口呀！保皇黨好驚人講粗口，快啲一齊去立法會X佢地。泛民同班後生攪事，俾佢地趕走晒，都要搵人做吓嘢，馬逢國未過身，出緊大家糧，一齊去叫佢做吓嘢唔該，大家都有交稅，唔係隻毒娥話佢盡左力就真係盡左力。馬場、街市、花市都多人過球場，學校都可以有六份一人回校上課，頂你，香港球員真係好恰啲？
陳志康加入足總董事會，希望成立球員工會，今次是最佳的時機，成立球員以及教練工會。去年成立教練工會，無端端俾人叫停，叫唔好攪政治。777選特首郭家明可以站台，呢啲夠晒政治化，唔見果陣有人出聲？球員同教練攪工會為己飯碗發聲，有乜唔啱？上晒岸果啲，出少句聲，大家唔係想同正苦攞綜援，而係俾正苦趕絕無飯開，點解賣花可以開到9點，食肆6點無堂食？點解跳舞群組出事，要足球、酒吧陪葬？頂你，香港球員真係好恰啲？
我寫野係咪離題，我答你，我無離題！！！阿哥，傑志體育中心、同埋其他足球學校靠開班維生，正苦咁封場，不如推晒啲教練同球員去死。唔好意思，丘建威識你二十年，呢次俾我死亡之吻寫兩筆，你有兩條化骨龍，衣食住行樣樣都錢，間足球學校咁停落去，啲教練點攪呀？車路士足球學校係咪想佢執笠呀？係咪點高志超減肥，阿仙奴足球學校停業，等佢飯都無得開？足球員唔駛食，食西北風就飽？
你問我仲乜拉埋食肆同酒吧講，想攪事？想俾599G告呀？大佬，香港其中一位足球有心人羅傑承先生好多生意，有食肆、有酒吧、有卡拉OK，佢無錢賺或者再俾正苦咁攪法，飛馬會散班，張宇人同馬逢國一樣，對業界乜春都唔理。
好多球員轉行都做左飲食業，陳七就係其中一個，咁關唔關事呀？
大家想繼續忍定出聲，自己諗。頂你，香港球員真係好恰啲？