（獨媒報導） 47名參加初選的民主派人士被控「串謀顛覆國家政權」罪，國安法指定法官、總裁判官蘇惠德晚上宣佈保釋決定，批准15人保釋，惟律政司副刑事檢控專員楊美琪隨即提出覆核，全部人須即時還柙。富商「劉公子」劉定成在散庭後表示不滿保釋判決，聲淚俱下批評政權連丁點希望都要打壓。被問及會否再到高院聲援，他表示：「我能力所做得到、我健康許可嘅話，天涯海角都會去支持佢哋，因為人唔係淨係錢，仲有良心，如果埋沒良心，佢過唔過到呢一世？」
對於大部份被告需還押至5月開審，劉公子坦言「遙遙無期，可能坐5年、10年」，「個個都係情操高尚、職業高尚嘅人」。他指楊岳橋身為大律師，但昨日亦需在犯人欄內哽咽陳辭，「我係佢都喊，5年前本著服務香港嘅精神宣誓，點諗到今日係階下囚？」
他指已連續4日到法院，一直等待保釋結果，無奈律政司即時就15人獲准保釋提出覆核，變相需繼續還押，「我心如刀割，但點唔夠嗰47人同家屬唔開心。剛剛有位女士（呂智恆養母）尖叫，你話佢犯咗咩錯？」、「我所有支持嘅立法會議員、區議員都無一倖免」。
他又哭訴指「根本唔認識呢個政府，唔知而家香港係咩社會」，「冇人課金俾我，我自己課金俾自己，我行出嚟因為覺得咁做係對得住天地良心」。