【獨媒報導】港鐵今日起在輕鐵展開為期兩個月的「貓狗同行」試行計劃，並舉行啟動禮。有狗主希望放寬限制，容許使用寵物手推車，「如果冇位坐就辛苦少少，因為佢（狗隻）都十幾kg呢，就咩好耐都辛苦，你話10至15分鐘都接受到，但耐啲就會開始攰。」
輕鐵「貓狗同行」試行計劃為期兩個月，市民於 MTR Mobile 購買價值99元的「貓狗同行證」月票，便可攜帶一隻中小型寵物無限次乘搭輕鐵，每人限購一張。持證市民須如常繳付自己的車費，在輕鐵月台範圍及乘車期間亦要將貓狗放入寵物專用袋，上落列車則須使用每卡車廂尾門，以及全程逗留在車廂的車尾位置，但計劃暫時只適用於周末及公眾假期。
月票銷量如何？李婉玲：我哋暫時仲喺度睇緊
港鐵公司車務營運及本地鐵路總管李婉玲表示，今早活動整體運作暢順有序，不排除未來會延長計劃。她又提醒，害怕寵物的市民能盡量在車頭位置上車，及逗留在車頭位置，試行期間亦會加強清潔車廂。月票由4月11日起開售，被問到銷量情況，李婉玲則稱「我哋暫時仲喺度睇緊，因為今日係第一日啫。」
至於未來計劃會否推展至其他綫路，李婉玲指正留意輕鐵試行計劃時的車務運作及安全，「攞咗啲經驗先，再作進一步去決定下一步點樣做。」
有狗主望放寬限制 容許使用寵物手推車
居於屯門南的乘客鄭先生今日帶同哥基 Smarty 試搭輕鐵，他對此安排感到開心，認為月票的價錢合理，「其實你去一次地方都差唔多，都抵嘅」，因以往叫車搭的士需要50至60元，來回便要過百元。
現時寵物專用袋的尺寸必須符合現行的行李規章，即行李的長闊高相加的尺寸總和不得超過170厘米，行李任何一邊的長度也不得超過130厘米。鄭先生希望港鐵未來可以放寬限制，容許使用寵物手推車，「如果冇位坐就辛苦少少，因為佢（Smarty）都十幾kg呢，就咩好耐都辛苦，你話10至15分鐘都接受到，但耐啲就會開始攰。」