立即捐款

Jimmy Lam

八十後 Freelance Photographer 網誌

社運

昨夜,我和高登仔和政黨人的吹水(大台風波下集)

昨夜,我和高登仔和政黨人的吹水(大台風波下集)
廣告

廣告

上集,我看見一名年輕人和中年人吵得火紅火綠,於是眾路人上前了解一下,原來是為了大台事件而在吵,之後在我們互相溝通了解,雙方都了解大家的想法後,我們就坐低一齊吹水。

我地傾左好多野,只可以節錄D黎講,其中比較重要係,點解會攪出個大台風波。我地其中一個共識係,溝通嚴重不足,因為我地互相傾完,大家都理解左對方既野,咁點解,網上最多人既平台高登會冇我地所講既觀點??又點解冇人響網上幫件事解畫??溝通不足同埋輕視左高登力量,係一個嚴重問題,根據高登仔所講,佢認為高登係不可輕視既力量,因為香港新一代年輕人,多數都會睇高登,我非常認同,因為即使政黨非常重視既FB平台,其實好多人睇FB既內容都係轉載自高登,但呢位政黨朋友明顯地不明白,認為高登只係一般小力量,唔多人睇,不過經我地解釋,FB同高登其實有不可分割的關係同埋FB既弱點,佢終於開始理解左D……雖然都係話冇資源睇實高登做文宣……不過起碼佢明白高登有重要性算係好既開始。

另一個位,就係我提出既公關災難,呢個POINT係難得三人都有共識,就係大台同政黨既公關,堅差,最主要既係大台處理手法,其實俾左人佢地高高在上既感覺,特別係琴晚,當台下要求對話,大台冇理,自由發言時間完左就KEEP住進程落,冇交代冇解釋冇安撫冇安排,咁梗係死,例如其實如果交代聲,唔好意思,我地想講少少議題順便安排一下之後點樣交代同對話,保證之後會再講返個議題,而唔係由錢志健自己講話會好快講完,我諗錢志健都心諗頂你班友擺我上檯?!之後仲要講完一個又一個,咁點會唔令人火滾,仲要加埋學民個女仔.……講咩啊,講之前睇清環境用下腦先好唔好,呢D位講野就小心D,又再一次引證黃子華金句,做人,冇公關,食屎GA。

之後,我地又講返好多之前有爭議既地方,咁政黨人都有解畫,例如上次衝龍和道事件,佢話因為之前發生過假催淚彈風波,所以唔敢即叫人衝去,咁之後叫唔駛咁多人去係因為證實消息之後有人報返話當時現場已經好多人多到可以反包差人,成千人,所以先叫大家唔駛去,解解下高登仔一句講埋去,你講D野,一般市民都唔知既,網上更加冇見過呢種講法,點解你唔同大家講??再度引返之前既問題,溝通不足……

我地再講返立法會件事,都係溝通不足所致,根據高登仔所講因為好多人,都唔知下一步點做,其實留守者,長期戰呢樣野,幾有信念都係辛苦,特別係旺角戰友,成日被人攻擊,其實壓力好大,但遲遲未有行動,膠著狀態又冇消息,大家當然緊張,其實我好認同,點解D野要收埋,或者咩都攬晒上身??其實好多時,開誠公佈好梗要,而且係要廣泛開誠公佈,好多時如果你諗唔通D野,你同班政黨狂開會都冇用,不如出返間房,行落現場同大家講,我地好需要大家幫助,我地可唔可以一齊傾,集思廣益,然後將個會轉響街頭傾,大家傾傾下可能會爆出一D大家自己諗唔到既方式,係唔係??如果有咁做過,我相信連之前圍大台件事都未必會出現……

其實大家成日話民主,追求民主,而民主其中一樣最基本既溝通都做唔好時,真係好大獲,點解會俾人話大台極權,似政府,因為佢表現出黎既態度堅似,佢地係等人地黎同佢地溝通而冇主動行出去同人地溝通...就算有,都只係好少人做同做左好少時間,太離地,結果就係咁,仲有一樣野,就係政黨成日做衰既一樣野,佢地以為自己好好溝通,但其實好多時,佢地講既野,有冇考慮對方明唔明??唔係話你講野錯,而係你講到咁多野咁複雜又多學術野,真係會好多人唔明,真係要溝通,唔該都企下響聽既一方,如果唔係咁唔叫溝通,你只係響度自HIGH...仲有,成日話要爭取民意,咁有冇關注返佔領區民意???如果有,係咪每個區都有關注??同埋有冇俾人覺得你有關注,呢個先最重要啊……

突然高登仔帶出個POINT話俾政黨割席絕交,令人好心灰,我不其然講左句,咩你仲信政黨GA??佢 O 左咀,我話政黨,從來係追求黨利益為先,當然一定會有有心人做野,而且唔少,但好多時,一個人既決心響團體壓力下,好易變左團隊利益優先....所以政黨,只能互相利用,對住佢地認真你就輸了,而政黨人都表示認同,但呢個係改變唔到而佢都好無奈既事。

其實我地三人講左好多野,不過太多就不能盡錄,同埋唔駛諗住搵上集,因為我係唔會放出黎住,因為放左你地係唔會睇下集就直接鬧爆我的,如果睇完又真係好多人想睇上集,我先至冒住俾人小爆既後果放出黎吧。

廣告