【獨媒報導】港台傍晚上載電視節目《視點31》討論環節的完整版。藝人朱庭萱不點名狂轟，近日大熱的《ERROR自肥企画》屬朋輩欺凌，斥每集都在欺負朋輩，會令小朋友誤以為「整蠱人咁好玩」。節目另一嘉賓盧覓雪不同意，指「Game show 嚟㗎嘛」，認為任何一代的年輕人均會做過無謂、整蠱過程。
主持欲替朱庭萱解圍，稱對方是母親，較關心小朋友成長。盧覓雪稱「都瞓咗覺啦佢個仔」，朱及後以笑遮醜後稱，該節目不斷懲罰和不斷要作消音，已超越《今夜不設防》的程度，「係咪要去到咁樣呢？」
朱庭萱憂小朋友效法 盧覓雪：沒干犯廣管局機制
盧覓雪強調，所謂的欺凌只是遊戲規則，並沒有「公平的凌欺」。朱庭萱表示明白，但憂慮小朋友會效法，並欺凌朋輩。盧覓雪重申，節目沒有干犯廣管局的機制，「只要你唔犯例，無人理你。」朱庭萱又改口稱不應超越道德底線，「係咪要不斷地放大、宣揚，去 make noise 呢？」
在節目中，雙方曾討論組合 MIRROR 和 ERROR 的冒起。盧覓雪指出，「香港人好似欠了年青人，俾返個機會佢」，形容兩隊組合的冒起是應運而生。她認為，不少觀眾更將政治取向，投射到兩隊組合的身上，「姜濤係黃定藍，你都唔知。」
朱庭萱：無綫藝人同年輕歌星都好勤力
朱庭萱打蛇隨棍上，稱不少無綫藝人和年輕歌星都十分勤力，「可能佢哋唔係 ViuTV，可能佢哋唔係嗰班人。」盧覓雪不同意，認為大台仍按傳統做法播放節目，重申香港需要娛樂節目。
一向高調的朱庭萱，她早前曾留言「評論」MIRROR，「呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係！成班井底之蛙。」
質疑傳媒過份報導MIRROR
主持追問她原因，朱庭萱一度口窒，後稱在旺角的確看到不少類似男子，「可能我呢啲樣都周街都係」。她認為，傳媒已過份報導 MIRROR 至反效果，「好話唔好聽，我呢啲無人識嘅二打六留句言都做全部娛樂版新聞。」
盧覓雪反問，「你當年有無嬲到譚詠麟、張國榮霸晒啲娛樂版？」朱只能打圓場稱，自己十分喜歡張國榮。
盧覓雪：娛樂新聞和雜誌就係跟紅頂白
盧覓雪認為，娛樂新聞和雜誌便是跟紅頂白，指昔日陳寶珠和蕭芳芳，乃至任劍輝和白雪仙都一樣，朱庭萱又一度未能反應過來，只稱「真係太多啦」，主持亦不禁問朱「你係咪有啲眼紅？」
他們又討論電視收視率的計算方法，朱庭萱認為現行的計算方法準確，並非沒有代表性。「唔好話收視無指標性！全世界都用緊！」盧覓雪認為，收視率的計算並非制度有問題，而是新時代和新模式已到來，即不少人都選擇在網上重溫節目，或會瀏覽非官方帳戶所分享的片段。
朱庭萱讚無綫有進步 尤其曾志偉回歸後
在節目中，朱庭萱多次賣慘，稱希望能替同事平反，指不少人因為公司問題便遭到打壓，「Even 森美啦，assume 咗佢另一邊。」主持問「咁你覺得 TVB 有冇問題？」朱庭萱認為，無綫正在進步，自曾志偉回巢後更見進步，四大唱片公司重返無綫的節目《勁歌金曲》，形容為良性進步。
主持又問朱庭萱，「覺唔覺得 ViuTV 有問題？」她先表示不覺得有問題，但又改口稱「啲人話低俗，其實我覺得咁多年都低俗，王晶都屎尿屁啦！」
相關報導：
朱庭萱指自撐警後所有KOL job無晒 盧覓雪反問藍營點解唔撐自己人
朱庭萱稱撐警因同路人太少 「我都唔出嚟撐，就覺得佢哋好可憐」