一位內地朋友A對我說：「大陸就好似一間唔安全、無保證嘅小商舖，而香港就好似惠康。我未出世屋企就用開惠康，咁多年都一樣。尤其奶粉、尿片對小朋友好重要，當然唔會用大陸貨。我諗你都唔會想用大陸嘅M巾掛？」一言驚醒夢中人。
A今年二十歲，為深圳原居民。她說「我由細到大都係用香港野。」她的祖父母居於香港，由五、六十年代開始，已在「帶水貨」到深圳給A一家。「我爺爺好早就偷渡去香港，所以一年只可一次同我嫲嫲喺邊境見面，將所有日用品，包括沐浴露、白花油、奶粉、尿片、錢等等交托畀嫲嫲。」因此，A一家幾十年來，從來沒有買過內地的奶粉。
那為甚麼香港人對大陸人這麼反感？大陸人錯在哪裏？首先，中國有十三億人，能常外出旅遊的，可能只佔百份之一。以筆者自身感覺，他們千錯萬錯，其實都是一個錯，就是素質問題。隨街大小二便、財大氣粗，的確令人十分反感。但除此之外，他們並不在萬惡根源。
由2003年香港開放內地自由行開始，大陸客來港購物，最初的「振興經濟」，漸漸演變成對香港人生活造成嚴重影響。上水、屯門、沙田、旺角，街道、港鐵早已迫爆。商舖亦改頭換面，令筆者也覺得很難受。
但究竟我們有沒有對準槍頭？2009年4月1日開始，深圳戶籍居民可以申請「一年多行」簽注，即在有效期一年內，可以無限制地往返香港，每次逗留香港不逾一週。
這項措施對於深圳政府來說，當然是極為有利。因為可藉其吸引更多人為獲得香港一年多行而加入深圳戶籍。但當然，深圳政府沒有考慮過香港的承受能力。香港政府亦沒有認真全面地考量、或替香港人爭取，落得如斯下場。
另一邊廂，香港的生意人、地主見有利可圖，就乘勢而上，大開藥房、金舖，不停搵銀。新鴻基搞商場主要以內地客為主導，亦十分講求租務回報，因此新城市近年面目全非，音樂噴泉、超人餐廳、東京新幹線、書店都成了集體回憶，換來一間又一間的名店。屯門的V City更是明顯地為內地客而設，而上水商場也不用提了。
結果，就是香港人感覺受壓迫，政府、商家卻不屑一顧，怒氣就更被發洩在來港的大陸人身上。A對我直言，「依家就係我地大陸人喺牆嘅另一邊不斷聽到你地鬧，但我地上唔到Facebook反駁唔到，根本講唔到畀你地聽我地嘅心聲。」她說，的確身邊的大陸朋友都不敢再來港購物。
我不敢說甚麼「中港一家」這些難聽過粗口的字句，A更不諱言「我都唔知幾想廣東獨立，但有錢唔係大哂架。有錢嘅省獨立咗，咁貴州、江西呢啲無咁有錢嘅省點算？」
或者我們從來只是站在「香港人」的一方想，但甚麼時候可以聽聽羅湖另一方的聲音？
Facebook: 是他也是你和我