典故是咁的：春秋時代楚莊王晚上大宴群臣，一陣怪風吹熄宴會上所有蠟燭，有人趁黑向楚王愛妃抽水（唔係田少嗰隻），妃子反抗，扯斷了對方帽上纓帶，即向楚王哭訴，要楚王命人點蠟燭看誰的纓帶斷了，就治他重罪。楚王拒絕，打發妃子道：「今日與大臣飲酒同歡，一時失態，不宜追究」，並高聲命令所有在場官員扯掉纓帶盡興暢飲，然後才點亮蠟燭。至於楚王之後會否被罰頂痰罐則無記載。
幾年後，晉楚大戰，一名楚將異常勇猛，終帶領楚軍戰勝。楚王論功行賞，將軍拒絕，反而自首，承認是當年無禮之徒，如非楚王仁厚，小命早已不保，為報王恩，故奮戰到底。故事結尾勸誡世人，「此有陰德者必有陽報也」（此句掉轉頭講最啱CY聽）。
我初中時曾聽過此典故，牢記多積善因的教誨。近日再聽一名高人（唔係身高）將此典故重新演繹。高人指，古代帝王喜用品格有虧戴罪之徒，一則彰顯帝王寬宏，讓徒罪之身感恩圖報；二則，掌握臣下死穴，以便牢牢控制，防止起飛腳。今日特區一眾高官劣跡斑斑，仍竊據高位，原來有得解。
至於特首人選，若循此思路分析，究竟梁振英、葉劉、曾俊華、胡國興幾位疑似候選人，北京掌握了當中多少人的多少條纓帶呢？我不知道。但我相當肯定，北京絕不會如梁振英5年前致電潛在對手曾鈺成，表明無佢黑材料，亦不會「搞佢」！
原文刊在《am730》