社會近年深受網絡文化影響，潮語湧現，並入侵日常生活當中，這些潮語由本來網絡圈子的語言，變成雅俗共賞的有趣對白。可是，講得多，真係好「濫」、煩呀！我有朋友同事，有80%回應人的說話就是「講呢啲」，無營養、沒意思、懶搞笑、零個性；最近更有廣告將網絡語言大匯集，甚麼「夏天為大地帶來美腳」、「我期待的畫面出現了」真係聽到打冷震。本來，睇高登就係想睇一些不同於現實的文化，豈知當我回到現實，又係講呢啲……
眾多的潮語，講得多極其量都係煩，但當中有一句是最令我討厭的，就是：「識X一定係X……」，例如：「識食一定係食……」、「識着一定係着……．、「識聽一定係聽……」等等，這句說話沒有理據支持，只是用一個「如果你不同意就是你不識貨的」假設去強硬地表達自己的想法，並滲入了孤芳自賞的潛台詞，以突顯自己獨特的good taste。如果，當你回應不是附和或同意時，就會遭到圍剿。
「識睇一定係睇村上春樹。」「但係我覺得唔太啱我。」「你係唔係睇唔明咋。」；「識着一定係着Asics。」「但我覺得唔太舒服喎。」「你係唔係買咗假嘢咋。」；「識聽一定係聽Radiohead。」「我都鍾意，但我覺得聽到個人太灰。」「咁你聽番Green Day囉。」當一個人說出這句話，就會突然處於一個心高氣傲的狀態，因為這句話彷彿有能力賦予人無比及無可回頭的自信，更完全失去了討論的空間，總而言之，我很討厭！我知，我知，你想話我認真便輸了吧。
轉載自《新報》。