梁天琦喺太古站同大公報記者爭執一事差唔多全香港人都知。因為有人拍咗一條比大公自已拎出嚟果條更完整嘅片段，所以自稱受害者果位大公報記者當晚有幾挑釁幾爛口，插水技巧有幾垃圾大家都一眼望哂。我冇咩興趣再講件垃圾同佢同行幫手拍片隻雞（唔好意思，夜媽媽扔低老婆同個女人出去我淨係諗到依樣嘢，當我水平低啦下），我只係想講下梁天琦經過今次依件事會唔會唔值得大家去投佢？
令梁天琦成名嘅事就係魚蛋革命：由佢同一班本民前成員仲有小麗等人協助小販喺朗豪一帶擺檔，最後因為警方濫用暴力而演變成衝突。大家支持梁天琦無非係因為佢真係會落手落腳企喺抗爭最前線，唔似其它民主派同自稱勇武建國嘅人咁永遠得個講字。佢曾經講過如果有一日佢變咗質就拉佢落嚟，而往後佢都一直堅守自己信念，起碼到現時為止冇一次令人覺得佢出賣過支持自已嘅人。
而家香港需要嘅唔係單單只會口舌之爭嘅議員，梁天琦依種行動派係香港人最需要嘅領導者。好多香港人知道要抗爭，要對抗政府，但大多數人都唔知點做。要團結人民去對抗一個政權需要靠梁天琦依種有號召力又有勇氣去行動嘅人，單睇就算政府千方百計禁止梁天琦參選後中共又派車跟佢、大公都仲要派人挑釁就知道梁天琦嘅影響力不容忽視。
對一個行動派嘅人嚟講，就算梁天琦真係衝上去打大公報個記者我唔會覺得意外。條片一開給就已經見到梁天琦衫都爛埋，之後個記者唔單止不停辱罵，甚至突然間相距梁天琦好幾步距離就話梁天琦打人。對住一個咁嘅人渣係人都應該有打柒佢嘅衝動，何況係一個親共記者？跟咗自己咁耐，明知報警的話香港公安都會企喺中共果邊，唔靠自己自保梁天琦又可以點？
梁天琦愈係比人針對抹黑，愈係代表政府驚佢做緊嘅嘢同影響力。一眾支持佢嘅人當初唔係就想咁樣咩？而家梁天琦做到市民想佢做嘅事，我地更加要支持佢嘅理念，唔應該比佢繼續一個人頂住所有壓力。如果再有人針對梁天琦打人依點抹黑，我會學啊樹咁講：
「打人？我打飛機添啊！」
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/