在這樣的社會，銀髮一族就算不想承認自己是備受歧視，都肯定會覺得自己是被 marginalized 的一群，今日難得有人呼召，話你知：「今日你係主角！」仲唔仆出嚟咩，真係史無前例，千載難逢，好期待呀。明哥一起身，我就 remind 佢白衫黑褲，快啲出嚟喇，睇下今次呢班友真係好有 quali, 打頭陣固然是滿頭銀髮，拉 banner 嗰班友都唔少野，個個都好senior 吓，大家抬起頭，拉住 banner，好有氣勢，明星咁，型到呢！
據說寶熙起步前發表宣言指出，七一佔領立法會和早前4宗自殺事件是香港青年人對政府的崩壞，向社會發出絕望的警號。其中佔領立法會的幾小時內，年輕人用「針對性的毁壞」，把象徵早已失效的立會標誌塗污，毁壞「讓議會暴力運作的儀器」，撕掉早被篡改的基本法，她形容青年人是「用符號，用有力象徵，直刺當權者的神經」 。她還說：近年經歷政治檢控、DQ等事件，香港已逐漸被消失，呼籲長者珍惜時機，趁尚未殘弱及思想清晰，支持香港年輕一代的「絕地抗爭」，very well said, 講到哂大家的心聲！
路上大家有說有笑，互相照顧，好鬼 sweet, 有一段路經過 PP, 好開心呀，有冷氣，有人拍手多謝PP, 又未試過遊行可以行 shopping mall, 抖一抖氣，好正。
今日還有很開心的事，楊老師說：「有一件事我一定要告訴你，你個自由 hi 發言，講得好好，笑死我。」楊老師好認真， I feel so flattered，有些銀髮，連我個名都 up 唔出，問我係咪陳惜之，但都要走來讚我：「平日我好憎人講粗口，但係你講得好好聽呀！」又有大姐說：「我本來都明明地，你解完之後，好明呀。」
千萬不要少看我地這些 senior citizens, 我地除咗頭髮有型之外，把口都好得，我地可以粗口你地班克警，三個司長廢人，一眾無恥跟尾狗行會成員，林鄭，你地成個政府，已經玩完，我地會長命百歲，等到睇你地出賣港人，殺害年軽人嘅下場。我地就算死，都會死淨把口，全民絶地抗爭。