「閘」，我所欲也，「翼」，亦我所欲也，兩者不可同兼，捨其一而取留者。
「閘」，能攻善守，為教練所愛也，「翼」，強於攻而偶也能兼守，為教練所寵也；一般黎講，教練都會衡量隊波需要邊種球員多D，唔係人人都擺「閘」+「翼」上場，因為如果你有一個超強閘可以達到到你想要既進攻效果，你就唔使擺翼，你可以有更多選擇去完善隊波，而綜觀歷史上咁多猛將，唯獨德國既布林美可以一個人「閘」+「翼」咁「玩曬成條邊路」
布林美有別於一般既閘位球員。有D閘位球員防守強於進攻，例如馬甸尼、森保達；有D進攻強於防守，例如丹尼爾艾維斯、卡富，有D就索性重心傾向進攻，防守任務少，例如卡路士同後來轉成翼鋒既加里夫巴里；布林美係可以一個人做到防守滴水不漏，進攻水銀瀉地，唔單只係助攻手，亦係超強得分手，反觀其他閘位球員，係冇一個人可以有布林美既效果，所以我夠膽講布林美係史上最強左閘。
比起加利夫巴利既「屈速」，艾維斯既「高速」，卡路士既「爆發力」，布林美係一位速度一般既球員，但憑借腳下精湛既技術同源源不絕既體力，活躍到係可以喺佢管轄既邊路「全攻全守」，造就大量助攻之餘，防守兇狠到位而有效之下，依然能靠任意球得分，佢係當年公認最好既罰球手之一，左右腳熟練程度令對方門將難以判斷佢起邊隻腳；定位球一流，邊行邊射一樣有「冷面殺手」之稱，無論喺球會定喺國家隊都經常遠射得手;1986年世界盃佢已經「小試牛刀」，到1990年更加係「大開殺戒」，助攻第一不在話下，隊內入球僅次於馬圖斯，奇里士文都係入2粒，布林美竟然攻入3粒，粒粒皆價值連城：十六強先射破荷蘭大門、四強罰球射走英格蘭，決賽臨完場十二碼建功擊敗阿根廷，可見識到布林美可怕既得分手段，連十二碼侉子手、經驗豐富既巨人馬圖斯都因壓力太大而請布林美主射十二碼，亦可得知布林美心理防線有幾咁「銅牆鐵壁」。
順帶一提，凱沙羅頓98年一升班就力壓拜仁奪得德甲聯賽冠軍，個一年布林美就效力凱沙羅頓，隊友仲有波歷克同高路斯，而之後布林美就退役了，結束傳奇而又強勢既職業生涯。