立即捐款
【獨媒報導】今日是宏福苑居民首輪上樓的最後一日，居住宏泰閣低層的歐太帶同鮮花、零食，希望懷念在大火中離世的相熟街坊。歐太指，宏福苑街坊感情很好，不相熟街坊會在下雨天共享雨傘、天氣轉冷時提醒小朋友多穿衣，今日回屋苑卻感到陌生。她希望將鮮花放在宏泰閣大廈門外，冀當局給予更多同理心容許。
歐生、歐太一家和小朋友在大火前住在宏福苑低層單位。今日歐生、歐太上樓，小朋友則未有同行。歐太歐太帶同花、食物，冀放在宏泰閣大廈門外。她指，因為宏泰閣死傷者較多，當中有些街坊認識了一段日子，所以希望對他們表達懷念。
她指，未知當局是否容許放鮮花在非單位的地方，「我都只係試一試，只不過係唔想俾自己有個遺憾，盡量試下做自己想做嘅嘢」，感謝街坊們過往的照顧。她續說，理解鮮花不可以放在別人的屋內，因為始終屬其他人的私人地方。但若為同層街坊獻花，她認為𨋢口、門口等屋苑的公眾地方應容許擺放，當局應給予更多同理心。
（獨媒報導）宏盛閣18樓鄺小姐今日與夫婚夫及兩名友人上樓執拾。她入屋後第一時間走向枱面，發現求婚戒指仍完好安放在枱上、未有物品失竊後，即時鬆一口氣。她之後取走三部揚琴及婚紗，離開屋企前又以揚琴彈奏《今宵多珍重》作告別。
譚氏二家姐（左）、三家姐（右）
（獨媒報導）雖然當局多番表明無意原址重建，居民意見仍然兩極。曾住宏盛閣20樓的譚氏姐妹就今日上樓執捨後表示，不會選擇原址重建，因為怕「發惡夢」及難以等待十年；不過，他們就希望政府對災民「寬鬆啲、唔好咁計較」：「可能俾多啲地方揀，唔好計得咁盡，可以嘅盡量滿足佢哋，始終佢哋都係受害者，有啲傷亡都好慘㗎⋯⋯有啲人真係死咗親人，你點樣補償返啫？政府應該真係俾多啲嘢佢哋，豁達啲唔好斤斤計較」。
同日上樓執拾的廖先生就表示，其單位未受波及、完好無缺，希望能回到單位繼續居住：「離開（當刻）遺憾同埋失望，始終可能單位冇燒，即係完好無缺，咁點解唔去做返維修俾我哋入返去住呢？或者重新起過，你話等9年、10年，我覺得可以等到嘅。」
稱三小時足夠執拾 「攞完基本嘢就算」
宏昌閣9樓住戶提供單位內的煙頭照片
（獨媒報導）綜合聽證會資訊，宏福苑大火很有可能源於維修工人吸煙，盡管居民事前多次投訴有關情況，仍不獲正視。諷刺的是，火災發生後五個月，不少居民在回家執拾時，亦發現其單位內有煙頭，懷疑有外人曾在災後於現場吸煙。
對於有關情況，警方表示沒有接獲宏福苑住戶在屋內發現煙頭的報案，指居民如有進一步資料提供或需要警方協助，可與警方聯絡；勞工處則回覆《獨媒》稱，在宏福苑火災後，勞工處曾多次派員前往屋苑進行職安健巡查，並督促有關承建商需遵從職安健法例的要求；勞工處稱會繼續跟進宏福苑的職安健事宜，若巡查發現有違反職安健法例的情況，定會依法處理。
宏昌閣3樓住戶周先生在客廳發現的煙頭
兩樓至少4單位遺留煙頭 住戶稱無食煙習慣
【獨媒報導】居住宏盛閣14樓何小姐今早（5月3日）上樓，執拾21袋物品落樓，包括心愛的多啦A夢Lego模型、擺設、手織毛公仔以及梅艷芳CD等。事隔數月回家，她直言心情頗為激動，上樓前腦海一片空白，當望見家中燻黑牆身、被淋濕的衣服、一箱熱融的多啦A夢精品及一些被燒毀的唱片，不禁哽咽「我都唔知一間屋點解搞成咁⋯⋯我無諗過一個火災無咗間屋。」
政府已就宏福苑七幢大廈包括宏盛閣提出收購業權，何小姐不滿未舉行業主大會前，便著居民出售業權，認為十分無理，「點解唔維修俾返我哋住？」她提到不少街坊希望原址重建，亦不認為需時十年之久。「講真我哋好似變做難民咁，我哋連啲新移民不如，反而我係土生土長香港人，我有納稅嘅，但係火災點解你要收我層樓呢？我唔係好明，佢仲話要強行立法嘅時候，咁好多外來香港買樓，唔好話香港人啦，咁我買咗樓係一樣好冇保障嘅嘢，咁我買層樓嚟做乜呢？」
不認為需道別
鄺小姐與未婚夫
（獨媒報導）宏泰閣、宏盛閣部分居民今日繼續上樓執拾。鄺小姐與未婚夫居住宏盛閣18樓單位，原本計劃入伙後結婚，大火發生後將婚禮無限期延後。她無奈嘆，延後婚禮是因為要處理先住屋安排：「我哋都go with the flow，我哋搞掂咗目前要搞掂嘅嘢先。」她亦擔心擺放枱面的求婚戒指遭盜竊，不滿事隔多月才安排居民上樓：「如果可以早啲上去，就可以避免好多偷竊嘅情況。」
鄺小姐未收到「一戶一社工」提供單位的相片，但根據聽證會提供的樓宇損毀資訊，她預計屋內情況良好，故帶備多個大袋及氣泡紙執拾。上樓前，鄺小姐感到緊張和忐忑，「因為好耐冇見過屋企，唔知屋企係咩樣」、「越嚟越近就越嚟越緊張，跟住就開始唔係好瞓得着」。
不少居民重走回家的路感觸萬分，鄺小姐亦然：「琴日我哋先討論嗰條路好似生化危機咁，平時你放工返去周圍都係綠油油一片，跟住有好多公園，而家行入去好似廢墟咁。」她又認為政府安排上樓時間不合理，指事前已有大量人員上樓勘察及工作，「點解佢哋上得去，我哋唔上得去？如果可以早啲上去，就可以避免好多偷竊嘅情況」。
（獨媒報導）自宏福苑開展大維修工程，居民的窗戶均被封上發泡膠，令他們不見天日。有入伙近一年的宏泰閣夫婦周六回家收拾，終於第一次看到單位的窗外風景。他們拍下照片留念，並對記者稱「原來我個單位望河真係好靚，就望多幾眼」。他們說，希望下次回家時，可以「當冇事咁，坐幾個鐘」：「始終自己屋企，唔一定要為咗執嘢，我哋返去自己屋企唔需要有任何理由。」
宏泰閣居民葉生葉太今天由義工陪同上樓。葉太表示單位情況比想像中好，但屋內部分地方熏黑，感覺親切又陌生。她表示取回結婚相、兩口子渡蜜月時的有意義物品。
葉先生表示「三個鐘有啲離譜，始終我哋住喺度，又唔係賊。」他說，「如果仲有機會上嚟，我哋可能喺屋企當冇事咁坐幾個鐘。始終自己屋企，唔一定要為咗執嘢，我哋返去自己屋企唔需要有任何理由。」
葉太就表示，希望下次「好似喺個單位住緊咁，坐喺度飲杯水，睇吓個景、睇吓報紙，玩吓手機。真係好似一個普通屋企做嘅嘢咁」。
（左圖）️崔先生今日上午獨自在客廳清理時的情況；（右圖）其單位在周二時的狀況
（獨媒報導）今天是宏盛閣首日開放上樓，有單位全家人回家收拾。宏盛閣居民李先生三兄弟和父母同住，超出4人上樓限額，他直言無奈：「想上去影幅全家福都唔得。」李先生又稱，看到網上評論指宏福苑居民有「著數」，他表示「呢啲唔係著數，呢啲係人不作為嘅後果佢而家要補飛」：「之前我哋俾咗幾多機會？房屋局、屋字署、黃碧嬌、羅曉楓，冇人正面回應。宜家好啦，單嘢搞到咁，168人⋯⋯過咗身，可以係咁嘅態度。」他稱有留意聽證會消息，批評「個個好似射波咁，一句唔理想跟住就諗修例，修乜例啫！冇人問責。我喺寫字樓倒瀉灘水，都會問邊個倒瀉水啦係咪呀。」
李先生單位內照片
一家五口超限額 「影幅全家福都唔得」
（左圖）住宏盛閣10樓的唐家；（右圖）唐太的廁所照片
（獨媒報導）有宏盛閣老夫婦今天和一對子女上樓收拾，他們曾經在火場被困4小時，期間匿藏於廁所，靠開抽氣扇及風扇通風。他們今天回家時向抽氣扇致謝：「望住個抽氣扇講，就係你喇，好彩你頂住。」77歲的唐太上樓前曾指，最希望尋回結婚相，笑言「錢都買唔到，嗰時我咁後生咁靚女」，又看著一旁的丈夫開玩笑說「你唔係，你肉酸你醜怪。」他們最後成功帶走部分結婚照和子女童年照片。
廁所內風扇（受訪者提供）
廁所內抽氣扇（受訪者提供）
宏盛閣10樓居民唐先生和唐太今天和一對子女上樓。77歲唐太上樓後表示，大廈環境惡劣，令她感到頭暈。
